म. टा. वृत्तसेवा नाशिकरोड
पेट्रोलिंगसाठी गेलेले पोलिसांचे वाहन सोमवारी रस्त्यातच बंद पडल्याने अखेर हे लाल दिव्याचं वाहन टोचण लावून पोलिस ठाण्यात आणण्याची आफत ओढवली. नाशिक-पुणे महामार्गावरील चेहेडी शिव येथे दुपारी बाराच्या सुमारास बंद पडलेले पोलिस वाहन सुरू न होऊ शकल्याने दोर बांधून पोलिसांच्याच दुसऱ्या मोठ्या वाहनाने पोलिस ठाण्यात ओढून आणण्याची वेळ आली. टोचण लावलेल्या लाल दिव्याच्या गाडीची ही वरात नागरिकांच्या चर्चेचा विषय ठरली.
पोलिसांकडून प्रभावी पोलिसिंगची सर्वांकडूनच अपेक्षा केली जाते. अपघात, चोरी, खून, जीवघेणे हल्ले, हाणामाऱ्या, सोनसाखळी ओरबाडणे, दरोडा अशी कोणतीही घटना घडली की पोलिस काही क्षणात घटनास्थळी हजर झाले पाहिजे, अशी सर्वसामान्यांची अपेक्षा असते. गुन्हेगारांनी पोबारा केल्यास पाठलाग करून त्यांना बेड्या ठोकाव्या, अशीही अपेक्षा नागरिकांची असते. मात्र, अशी कामगिरी करण्यासाठी पोलिसांकडे आवश्यक त्या सुविधाच नसल्याचे पुन्हा उघड झाले आहे. पेट्रोलिंगदरम्यान लाल दिव्याचं पोलिस वाहन रस्त्यातच बंद पडल्याने आणि शिकस्तीचे प्रयत्न करूनही हे वाहन पुन्हा सुरू होऊ न शकल्याने हे वाहन अगदी खटारा झाले असल्याची बाब उघड झाली.
पेट्रोलिंगसाठी नाशिकरोड पोलिस ठाण्याच्या दिमतीला असलेले चारचाकी वाहन अक्षरशः खटारा झाले आहे. एखाद्या जर्जर रुग्णासारखी अवस्था झालेले वाहन नाशिकरोडचे पोलिस पेट्रोलिंगसाठी वापरतात. खिळखिळे झालेल्या, साडेचार लाखांहून जास्त प्रवास केलेले हे वाहन कधीच कालबाह्य झाले आहे. लाल दिव्याच्या वाहनाची अशी मरणासन्न अवस्था झाल्याने शेवटी या वाहनाने सोमवारी नाशिक-पुणे महामार्गावर थांबून घेतले. त्यानंतर दुसरे मोठे वाहन बोलावून पोलिसांनी बंद पडलेल्या वाहनाला दोरखंड बांधून हे वाहन नाशिकरोड पोलिस ठाण्यापर्यंत ओढून आणले. लाल दिव्याच्या गाडीची ही वरात नागरिकांत चर्चेचा विषय ठरली. काही निर्भया पथकांनाही सुरुवातीच्या काळात अशीच तकलादू वाहने पुरविण्यात आली होती. नंतर ही खटारा वाहने बदलून देण्यात आली.
पेट्रोलिंगसाठी गेलेले पोलिसांचे वाहन सोमवारी रस्त्यातच बंद पडल्याने अखेर हे लाल दिव्याचं वाहन टोचण लावून पोलिस ठाण्यात आणण्याची आफत ओढवली. नाशिक-पुणे महामार्गावरील चेहेडी शिव येथे दुपारी बाराच्या सुमारास बंद पडलेले पोलिस वाहन सुरू न होऊ शकल्याने दोर बांधून पोलिसांच्याच दुसऱ्या मोठ्या वाहनाने पोलिस ठाण्यात ओढून आणण्याची वेळ आली. टोचण लावलेल्या लाल दिव्याच्या गाडीची ही वरात नागरिकांच्या चर्चेचा विषय ठरली.
पोलिसांकडून प्रभावी पोलिसिंगची सर्वांकडूनच अपेक्षा केली जाते. अपघात, चोरी, खून, जीवघेणे हल्ले, हाणामाऱ्या, सोनसाखळी ओरबाडणे, दरोडा अशी कोणतीही घटना घडली की पोलिस काही क्षणात घटनास्थळी हजर झाले पाहिजे, अशी सर्वसामान्यांची अपेक्षा असते. गुन्हेगारांनी पोबारा केल्यास पाठलाग करून त्यांना बेड्या ठोकाव्या, अशीही अपेक्षा नागरिकांची असते. मात्र, अशी कामगिरी करण्यासाठी पोलिसांकडे आवश्यक त्या सुविधाच नसल्याचे पुन्हा उघड झाले आहे. पेट्रोलिंगदरम्यान लाल दिव्याचं पोलिस वाहन रस्त्यातच बंद पडल्याने आणि शिकस्तीचे प्रयत्न करूनही हे वाहन पुन्हा सुरू होऊ न शकल्याने हे वाहन अगदी खटारा झाले असल्याची बाब उघड झाली.
पेट्रोलिंगसाठी नाशिकरोड पोलिस ठाण्याच्या दिमतीला असलेले चारचाकी वाहन अक्षरशः खटारा झाले आहे. एखाद्या जर्जर रुग्णासारखी अवस्था झालेले वाहन नाशिकरोडचे पोलिस पेट्रोलिंगसाठी वापरतात. खिळखिळे झालेल्या, साडेचार लाखांहून जास्त प्रवास केलेले हे वाहन कधीच कालबाह्य झाले आहे. लाल दिव्याच्या वाहनाची अशी मरणासन्न अवस्था झाल्याने शेवटी या वाहनाने सोमवारी नाशिक-पुणे महामार्गावर थांबून घेतले. त्यानंतर दुसरे मोठे वाहन बोलावून पोलिसांनी बंद पडलेल्या वाहनाला दोरखंड बांधून हे वाहन नाशिकरोड पोलिस ठाण्यापर्यंत ओढून आणले. लाल दिव्याच्या गाडीची ही वरात नागरिकांत चर्चेचा विषय ठरली. काही निर्भया पथकांनाही सुरुवातीच्या काळात अशीच तकलादू वाहने पुरविण्यात आली होती. नंतर ही खटारा वाहने बदलून देण्यात आली.