म. टा. खास प्रतिनिधी, नाशिक
सातपूर येथील ५४ वर्षीय मुक्ताबाई सांगळे यांना एप्रिलमध्ये करोना झाला. ऑक्सिजन पातळी ७४ पर्यंत खाली उतरलेली. एचआरसीटी स्कोअरही २२ पर्यंत वाढलेला. त्यातच शहरात कुठे बेडही मिळेना. डॉक्टरांनी सांगितले आता काही उपाय नाही, घरी नेऊन जेवढी सेवा करणे शक्य आहे तेवढी करा. हातावर हात ठेवून काही दुर्दैवी घडण्याची वाट पाहण्यापेक्षा कुटुंबाने घरातच ऑक्सिजन बेड तयार केला.
मुक्ताबाई यांच्या स्नुषा सारिका सांगळे या फार्मसी झालेल्या आहेत. त्यांनी परिस्थितीचे गांभीर्य ओळखले. बाहेर बेड मिळत नसल्यामुळे एका ओळखीच्या व्यक्तीकडून ऑक्सिजन सिलिंडर मिळविले. त्यासाठीचा मास्क विकत घेतला आणि घरातच मुक्ताबाईंवर उपचार सुरू केले. अॅलोपथीचा सात दिवसांचा कोर्स आणि होमिओपथी डॉक्टरांचीही औषधे सुरू केली. मुक्ताबाईंना वरच्या मजल्यावर हवेशीर खोलीमध्ये क्वारंटाइन करण्यात आले. डॉक्टरांच्या सल्ल्यानुसार ऑक्सिजनचा प्रेशर दोनपेक्षा कमी ठेवण्यात आला. सहा दिवसांत ऑक्सिजन पूर्ववत झाला. दुसरीकडे औषधे सुरू असल्यामुळे फुफ्फुसावरील इन्फेक्शनही कमी झाले आणि सात दिवसांत मुक्ताबाईंनी करोनावर मात केली.
प्रोटिनयुक्त आहारावर भर
करोना काळात प्रतिकारशक्ती वाढविणे महत्त्वाचे असते. त्यासाठी मुक्ताबाईंनी योगासने, प्राणायामसह घरातल्या घरात चालण्यावर भर दिला. मुक्ताबाई पूर्ण शाकाहारी असल्यामुळे आहारामध्ये पनीर, कडधान्ये, शेवग्याच्या शेंगा तसेच पपईसारख्या फळांचा समावेश केला. त्यामुळे अल्पावधीतच त्यांच्या तब्येतीत सुधारणा झाली.
सातपूर येथील ५४ वर्षीय मुक्ताबाई सांगळे यांना एप्रिलमध्ये करोना झाला. ऑक्सिजन पातळी ७४ पर्यंत खाली उतरलेली. एचआरसीटी स्कोअरही २२ पर्यंत वाढलेला. त्यातच शहरात कुठे बेडही मिळेना. डॉक्टरांनी सांगितले आता काही उपाय नाही, घरी नेऊन जेवढी सेवा करणे शक्य आहे तेवढी करा. हातावर हात ठेवून काही दुर्दैवी घडण्याची वाट पाहण्यापेक्षा कुटुंबाने घरातच ऑक्सिजन बेड तयार केला.
मुक्ताबाई यांच्या स्नुषा सारिका सांगळे या फार्मसी झालेल्या आहेत. त्यांनी परिस्थितीचे गांभीर्य ओळखले. बाहेर बेड मिळत नसल्यामुळे एका ओळखीच्या व्यक्तीकडून ऑक्सिजन सिलिंडर मिळविले. त्यासाठीचा मास्क विकत घेतला आणि घरातच मुक्ताबाईंवर उपचार सुरू केले. अॅलोपथीचा सात दिवसांचा कोर्स आणि होमिओपथी डॉक्टरांचीही औषधे सुरू केली. मुक्ताबाईंना वरच्या मजल्यावर हवेशीर खोलीमध्ये क्वारंटाइन करण्यात आले. डॉक्टरांच्या सल्ल्यानुसार ऑक्सिजनचा प्रेशर दोनपेक्षा कमी ठेवण्यात आला. सहा दिवसांत ऑक्सिजन पूर्ववत झाला. दुसरीकडे औषधे सुरू असल्यामुळे फुफ्फुसावरील इन्फेक्शनही कमी झाले आणि सात दिवसांत मुक्ताबाईंनी करोनावर मात केली.
प्रोटिनयुक्त आहारावर भर
करोना काळात प्रतिकारशक्ती वाढविणे महत्त्वाचे असते. त्यासाठी मुक्ताबाईंनी योगासने, प्राणायामसह घरातल्या घरात चालण्यावर भर दिला. मुक्ताबाई पूर्ण शाकाहारी असल्यामुळे आहारामध्ये पनीर, कडधान्ये, शेवग्याच्या शेंगा तसेच पपईसारख्या फळांचा समावेश केला. त्यामुळे अल्पावधीतच त्यांच्या तब्येतीत सुधारणा झाली.