संशयितांच्या कोठडीत वाढ

सातपूर : एमआयडीसीतील एका बारमध्ये मद्य पिण्यावरून झालेल्या वादात हर्षल साळुंखे या तरुणाचा मृत्यूप्रकरणातील तिघा संशयितांना न्यायालयाने सोमवारी पुन्हा दोन दिवसांची पोलिस कोठडी सुनावण्यात आली. तसेच कंपनी व्यवस्थापन व सीटू कामगारांमध्ये झालेल्या वादात प्रवीण मेटकर या कामगार मारहाण प्रकरणी पोलिसांनी अटक केलेल्या तीन कामगारांना न्यायालयाने सोमवारी दोन दिवसांची पोलिस कोठडी सुनावली आहे. दरम्यान, याच गुन्हातील आरोपी डॉ. डी. एल. कराड यांना अद्याप अटक झालेली नाही. फायनन्स कंपनीत वसुलीचे काम करणाऱ्या स्वप्नील पुंड या तरुणाच्या आत्महत्या प्रकरणातील संशयित आरोपी माधुरी घावटे या महिलेस कोर्टाने न्यायालयीन कोठडी सुनावण्यात आली आहे.