म. टा. प्रतिनिधी, नाशिक शिक्षणसेवक या पदावर कार्यरत असणाऱ्या कर्मचाऱ्यांना सद्यस्थितीत अत्यल्प मानधन देण्यात येते. या मानधनात वाढ करून ते २१ ते २४ हजार रुपये करण्यात यावे, अशी मागणी अखिल महाराष्ट्रीय सेट-नेट, एम.एड, बीएड धारक संघटनेच्या वतीने करण्यात आली आहे. शिक्षण सेवकपद २००० मध्ये निर्माण करण्यात आले. तेव्हापासून या पदास आर्थिकदृष्ट्या न्याय मिळालेला नाही. या एकोणावीस वर्षांच्या कालावधीत या पदासाठी अवघी तीन हजार रुपयांची मानधनामध्ये वाढ करण्यात आली आहे. सद्यस्थितीत शिक्षणसेवकांना अवघे सहा हजार रुपये मानधन देण्यात येते. वर्तमानकाळातील महागाईचा दर आणि कुटुंबांपुढील आव्हाने बघता दरमहा सहा हजार रुपयांचे मानधन हे अत्यंत तुटपूंजे आहे. याशिवाय शिक्षण सेवक या पदाचे योगदानही सामाजिकदृष्ट्या मोलाचे आहे. हा विचार करून राज्य सरकारने प्राथमिक स्तरासाठी २१ हजार रुपये, माध्यमिक स्तरासाठी २३ हजार रुपये आणि उच्च माध्यमिक स्तरासाठी २४ हजार रुपये मानधन द्यावे, अशी मागणी संघटनेचे कार्याध्यक्ष प्रा. राम जाधव, राज्य सचिव प्रा. गोरख भगत, राज्य सरचिटणीस प्रा. लक्ष्मण बनसोडे, राज्य संघटक प्रा. विश्वनाथ सिंधीकुमठे यांनी केली आहे.
शिक्षणसेवकांच्या मानधनात वाढ करावी
म टा प्रतिनिधी, नाशिक शिक्षणसेवक या पदावर कार्यरत असणाऱ्या कर्मचाऱ्यांना सद्यस्थितीत अत्यल्प मानधन देण्यात येते...
महाराष्ट्र टाइम्स.कॉम 7 Nov 2019, 4:00 am