नाशिकरोड : येथील आई सोशल ग्रुपतर्फे बेघर मुलांसमवेत मकरसंक्रांत साजरी करण्यात आली. आई सोशल ग्रुपचे संतोष बोराडे, शाम आकुल, दीपक भागवत, योगीराज पवार तसेच निवासी वसतिगृहाच्या मंगेश सांगळे, प्रीतम भडांगे यांची उपस्थिती होती. महापालिकेच्या उपनगरमधील अनाथ बेघर मुलांच्या वसतिगृहात कार्यक्रम झाला. संतोष बोराडे यांनी मुलांना कोवळ्या उन्हात संक्रांतीला पतंग उडविण्याचे शास्त्रीय महत्त्व सांगितले. आई सोशल ग्रुपचे शाम आकुल यांनी नायलॉन मांजाचे दुष्परिणाम काय होतात, याबाबत मार्गदर्शन केले. त्यानंतर सर्व विद्यार्थ्यांना पतंग वाटप करण्यात आले.
बेघर मुलांसोबत संक्रांत
येथील आई सोशल ग्रुपतर्फे बेघर मुलांसमवेत मकरसंक्रांत साजरी करण्यात आली...
महाराष्ट्र टाइम्स.कॉम 17 Jan 2020, 4:00 am