म. टा. प्रतिनिधी, नाशिक
नाशिक जिल्हा अॅडव्होकेट बार असोसिएशनच्या शिरपेचात मानाचा तुरा खोवला गेला आहे. वकील बांधवांच्या या संघटनेला ‘आयएसओ ९००१-२०१५’ चे मानांकन मिळाले असून, असा बहुमान मिळविणारी ही देशातील पहिलीच वकील संघटना ठरल्याचा दावा पदाधिकाऱ्यांनी बुधवारी नाशिकमध्ये केला.
गुणवत्ता, एकसंघता आणि पारदर्शकता यांसारखी वैशिष्ट्ये जपणाऱ्या संस्थांना आयएसओ मानांकनाचे प्रमाणपत्र देऊन गौरविले जाते. वेगवेगळ्या क्षेत्रातील अनेक संघटना, संस्था, आणि खासगी आस्थापनांनी अशा प्रकारचे मानांकन प्राप्त केले आहे. परंतु, वकिलांच्या संघटनेला अद्याप आयएसओ मानांकन प्राप्त नव्हते. नाशिक जिल्हा अॅडव्होकेट बार असोसिएशनने त्यासाठी प्रयत्न सुरू केले होते. हे मानांकन देण्यापूर्वी या संघटनेचे पाच ते दहा वर्षांपूर्वीच्या आर्थिक व्यवहारांचे ऑडिट झाले. संघटनेचा एकंदरीत कारभार तपासण्यात आला. वकिलांसाठी संघटना कोणकोणते उपक्रम राबविते, याची माहिती घेण्यात आली. वकिलांमधील सहकार्याची भावना, सन्मान वाढविणे, वकिलांच्या हक्कांचे रक्षण करणे यांसारख्या बाबी तपासल्यानंतर हे आयएसओ प्रदान करण्यात आल्याची माहिती संघटनेचे अध्यक्ष नितीन ठाकरे यांनी दिली. जिल्हा कोर्टातील जुन्या लायब्ररीत झालेल्या छोटेखानी सोहळ्यात प्रधान जिल्हा व सत्र न्यायाधीश यांच्या हस्ते मानांकनाचे प्रमाणपत्र संघटनेच्या पदाधिकाऱ्यांना प्रदान करण्यात आले. यावेळी संघटनेचे अध्यक्ष ठाकरे यांच्यासह उपाध्यक्ष बाळासाहेब आडके, सचिव सुरेश निफाडे, खजिनदार हेमंत गायकवाड, सहसचिव जालिंदर ताडगे आदी उपस्थित होते.
यावेळी ढवळे म्हणाले, ‘वकिलांच्या संघटनेलाही अशा प्रकारचे मानांकन मिळू शकते, हे माहीत नव्हते. नाशिक जिल्हा अॅडव्होकेट बार असोसिएशन या एकमेव संघटनेला देशात पहिल्यांदाच हे मानांकन मिळाले याचा अभिमान वाटतो. संघटनेच्या कामाची पावती म्हणून हे मानांकन मिळाले. संघटनेने वकिलांना प्रशिक्षण देऊन त्यातून चांगल्या दर्जाचे न्यायाधीश घडविले आहेत. असे कार्य यापुढेही सुरू ठेवावे, अशी अपेक्षा त्यांनी यावेळी व्यक्त केली. बार असोसिएशनने सभासदांसाठी बनविलेल्या ओळखपत्रांचे यावेळी प्रातिनिधिक स्वरुपात वाटप करण्यात आले.
संघटनेची लवकरच वेबसाइट
बार असोसिएशनने सभासदांची माहिती असलेली वेबसाइट तयार करण्याचे काम हाती घेतले आहे. या वेबसाइटवर वकिलाचे नाव, छायाचित्र, त्याचे शिक्षण, पत्ता, तो कोणत्या स्वरुपाची वकिली करतो याबाबतची इत्थंभूत माहिती असेल. पक्षकारांना तसेच अन्य नागरिकांनाही वकिलांबाबतची, तसेच बार असोसिएशनची माहिती सहजगत्या मिळावी हा यामागचा उद्देश आहे.
नाशिक जिल्हा अॅडव्होकेट बार असोसिएशनच्या शिरपेचात मानाचा तुरा खोवला गेला आहे. वकील बांधवांच्या या संघटनेला ‘आयएसओ ९००१-२०१५’ चे मानांकन मिळाले असून, असा बहुमान मिळविणारी ही देशातील पहिलीच वकील संघटना ठरल्याचा दावा पदाधिकाऱ्यांनी बुधवारी नाशिकमध्ये केला.
गुणवत्ता, एकसंघता आणि पारदर्शकता यांसारखी वैशिष्ट्ये जपणाऱ्या संस्थांना आयएसओ मानांकनाचे प्रमाणपत्र देऊन गौरविले जाते. वेगवेगळ्या क्षेत्रातील अनेक संघटना, संस्था, आणि खासगी आस्थापनांनी अशा प्रकारचे मानांकन प्राप्त केले आहे. परंतु, वकिलांच्या संघटनेला अद्याप आयएसओ मानांकन प्राप्त नव्हते. नाशिक जिल्हा अॅडव्होकेट बार असोसिएशनने त्यासाठी प्रयत्न सुरू केले होते. हे मानांकन देण्यापूर्वी या संघटनेचे पाच ते दहा वर्षांपूर्वीच्या आर्थिक व्यवहारांचे ऑडिट झाले. संघटनेचा एकंदरीत कारभार तपासण्यात आला. वकिलांसाठी संघटना कोणकोणते उपक्रम राबविते, याची माहिती घेण्यात आली. वकिलांमधील सहकार्याची भावना, सन्मान वाढविणे, वकिलांच्या हक्कांचे रक्षण करणे यांसारख्या बाबी तपासल्यानंतर हे आयएसओ प्रदान करण्यात आल्याची माहिती संघटनेचे अध्यक्ष नितीन ठाकरे यांनी दिली. जिल्हा कोर्टातील जुन्या लायब्ररीत झालेल्या छोटेखानी सोहळ्यात प्रधान जिल्हा व सत्र न्यायाधीश यांच्या हस्ते मानांकनाचे प्रमाणपत्र संघटनेच्या पदाधिकाऱ्यांना प्रदान करण्यात आले. यावेळी संघटनेचे अध्यक्ष ठाकरे यांच्यासह उपाध्यक्ष बाळासाहेब आडके, सचिव सुरेश निफाडे, खजिनदार हेमंत गायकवाड, सहसचिव जालिंदर ताडगे आदी उपस्थित होते.
यावेळी ढवळे म्हणाले, ‘वकिलांच्या संघटनेलाही अशा प्रकारचे मानांकन मिळू शकते, हे माहीत नव्हते. नाशिक जिल्हा अॅडव्होकेट बार असोसिएशन या एकमेव संघटनेला देशात पहिल्यांदाच हे मानांकन मिळाले याचा अभिमान वाटतो. संघटनेच्या कामाची पावती म्हणून हे मानांकन मिळाले. संघटनेने वकिलांना प्रशिक्षण देऊन त्यातून चांगल्या दर्जाचे न्यायाधीश घडविले आहेत. असे कार्य यापुढेही सुरू ठेवावे, अशी अपेक्षा त्यांनी यावेळी व्यक्त केली. बार असोसिएशनने सभासदांसाठी बनविलेल्या ओळखपत्रांचे यावेळी प्रातिनिधिक स्वरुपात वाटप करण्यात आले.
संघटनेची लवकरच वेबसाइट
बार असोसिएशनने सभासदांची माहिती असलेली वेबसाइट तयार करण्याचे काम हाती घेतले आहे. या वेबसाइटवर वकिलाचे नाव, छायाचित्र, त्याचे शिक्षण, पत्ता, तो कोणत्या स्वरुपाची वकिली करतो याबाबतची इत्थंभूत माहिती असेल. पक्षकारांना तसेच अन्य नागरिकांनाही वकिलांबाबतची, तसेच बार असोसिएशनची माहिती सहजगत्या मिळावी हा यामागचा उद्देश आहे.