म. टा. प्रतिनिधी, नाशिक
आयआयटीसारख्या नामांकित अभियांत्रिकी शिक्षण संस्थांमधील प्रवेशांसाठी घेण्यात आलेली जेईई अॅडव्हान्स्ड परीक्षा नाशिकमधील केंद्रांवर शांततेत पार पडली. ‘नीट’प्रमाणेच या परीक्षेसाठीही उमेदवारांना कठोर नियम असले तरीही कुठे गोंधळाच्या घटनेची नोंद झाली नाही. दरम्यान, यंदा या परीक्षेची काठिण्यपातळी अतिकठीण किंवा अतिसोपी अशा दोन्हीही प्रकारात मोडणारी नव्हती, तर मध्यम स्तर म्हणजे मॉडरेट स्तरावरील प्रश्नपत्रिकेस यंदा विद्यार्थी सामोरे गेले.
शहरात केबीटी इंजिनीअरिंग कॉलेज, केटीएचएम कॉलेज, के. के. वाघ इंजिनीअरिंग कॉलेज या केंद्रांवर ही परीक्षा पार पडली. या परीक्षेसाठी नाशिकमधून सुमारे हजार विद्यार्थी प्रविष्ट झाले होते. दोन सत्रांत पार झालेली ही परीक्षा सकाळी ९ ते १२ आणि दुपारी २ ते ५ या वेळेत घेण्यात आली. परीक्षेचा निकाल ११ जून रोजी ऑनलाइन पद्धतीने जाहीर होणार आहे.
रविवारीही या परीक्षेत विद्यार्थिनींना गळ्यातील लॉकेट, हार, अंगठी, बांगड्या, कानातले दागिने, चमकी, हेअर पिन, हेअर बँड घालण्यास मनाई करण्यात आली होती, तर विद्यार्थ्यांना बूट, फूल स्लिव्ह शर्ट घालण्यास मनाई आहे. शिवाय स्मार्ट वॉच, लॅपटॉप, वायफाय डिव्हाइस, हँड बँड, मोठे बटण असलेल्या कपड्यांनाही बंदी होती.
फिजिक्स कठीण; केमेस्ट्री सोपा
प्रश्नपत्रिकेत मॅथ्स आणि केमेस्ट्रीच्या तुलनेत फिजिक्सच्या पेपरचा काठिण्यस्तर जास्त असल्याचा विद्यार्थ्यांचा अनुभव आहे. याबाबत बोलताना आशिष चौधरी या विद्यार्थ्याने ‘मटा’शी बोलताना सांगितले, की पहिल्या पेपरच्या तुलनेत दुसऱ्या क्रमांकाचा पेपर सोपा होता. केमेस्ट्री तिन्ही पेपरमध्ये अधिक सोपा होता. सर्वच प्रश्नांचा स्तर सोपा नसला तरीही अभ्यास केला असल्याने केमेस्ट्रीचे बहुतांश प्रश्न सोपे वाटले.
आयआयटीसारख्या नामांकित अभियांत्रिकी शिक्षण संस्थांमधील प्रवेशांसाठी घेण्यात आलेली जेईई अॅडव्हान्स्ड परीक्षा नाशिकमधील केंद्रांवर शांततेत पार पडली. ‘नीट’प्रमाणेच या परीक्षेसाठीही उमेदवारांना कठोर नियम असले तरीही कुठे गोंधळाच्या घटनेची नोंद झाली नाही. दरम्यान, यंदा या परीक्षेची काठिण्यपातळी अतिकठीण किंवा अतिसोपी अशा दोन्हीही प्रकारात मोडणारी नव्हती, तर मध्यम स्तर म्हणजे मॉडरेट स्तरावरील प्रश्नपत्रिकेस यंदा विद्यार्थी सामोरे गेले.
शहरात केबीटी इंजिनीअरिंग कॉलेज, केटीएचएम कॉलेज, के. के. वाघ इंजिनीअरिंग कॉलेज या केंद्रांवर ही परीक्षा पार पडली. या परीक्षेसाठी नाशिकमधून सुमारे हजार विद्यार्थी प्रविष्ट झाले होते. दोन सत्रांत पार झालेली ही परीक्षा सकाळी ९ ते १२ आणि दुपारी २ ते ५ या वेळेत घेण्यात आली. परीक्षेचा निकाल ११ जून रोजी ऑनलाइन पद्धतीने जाहीर होणार आहे.
रविवारीही या परीक्षेत विद्यार्थिनींना गळ्यातील लॉकेट, हार, अंगठी, बांगड्या, कानातले दागिने, चमकी, हेअर पिन, हेअर बँड घालण्यास मनाई करण्यात आली होती, तर विद्यार्थ्यांना बूट, फूल स्लिव्ह शर्ट घालण्यास मनाई आहे. शिवाय स्मार्ट वॉच, लॅपटॉप, वायफाय डिव्हाइस, हँड बँड, मोठे बटण असलेल्या कपड्यांनाही बंदी होती.
फिजिक्स कठीण; केमेस्ट्री सोपा
प्रश्नपत्रिकेत मॅथ्स आणि केमेस्ट्रीच्या तुलनेत फिजिक्सच्या पेपरचा काठिण्यस्तर जास्त असल्याचा विद्यार्थ्यांचा अनुभव आहे. याबाबत बोलताना आशिष चौधरी या विद्यार्थ्याने ‘मटा’शी बोलताना सांगितले, की पहिल्या पेपरच्या तुलनेत दुसऱ्या क्रमांकाचा पेपर सोपा होता. केमेस्ट्री तिन्ही पेपरमध्ये अधिक सोपा होता. सर्वच प्रश्नांचा स्तर सोपा नसला तरीही अभ्यास केला असल्याने केमेस्ट्रीचे बहुतांश प्रश्न सोपे वाटले.