म. टा. खास प्रतिनिधी, नाशिक
शहरातील उंटवाडी परिसरातील मुथूट फायनान्स दरोड्याप्रकरणी शहर पोलिसांचे परराज्यांमध्ये ठिकठिकाणी छापासत्र सुरू असून, गुजरातमधील सुरत शहराजवळील कलोद्रा येथून आणखी एका संशयितास क्राईम ब्रँचने अटक केली आहे. त्यामुळे या गुन्ह्यावर नव्याने प्रकाश पडला असून, यात उत्तर-मध्य भारतात 'ज्वेल थीफ' या नावाने कुप्रसिद्ध असलेल्या गँगचा समावेश असल्याचे समोर आले आहे.
ज्वेल थीफ गँगचा म्होरक्या असलेला सुबोध सिंगने थेट जेलमध्ये बसून या दरोड्याची सूत्रे हलविली, असे पोलिसांच्या प्राथमिक चौकशीत समोर आले आहे. कोर्टाने संशयित आरोपीला आठ दिवसांची पोलिस कोठडी सुनावली आहे. परमेंदर सिंग (रा. उत्तर प्रदेश) असे क्राईम ब्रँचने मंगळवारी पहाटे अटक केलेल्या संशयित आरोपीचे नाव आहे. दरोड्यानंतर फरारी झालेला परमेंदर सुरतजवळील कलोद्रा या उत्तर भारतीयांच्या अगदीच दाट लोकवस्तीत दडून बसला होता. पण, क्राईम ब्रँचच्या पथकाने संपूर्ण रात्र जागे राहून शेवटी परमेंदरच्या मुसक्या आवळल्या. मुथूट दरोड्याचा तपास करताना शहर पोलिसांना सहा संशयित आरोपींच्या हालचालींची माहिती मिळाली होती. सुरत येथून या संशयित आरोपींची नावेसुद्धा पोलिसांना मिळाली होती. मात्र, परमेंदरच्या अटकेनंतर त्याने दिलेल्या कबुलीजबाबानुसार या गुन्ह्याची व्याप्ती वाढल्याचे दिसत आहे. या गुन्ह्यात नव्याने सुबोध सिंग, उमेश तिवारी, माझी (पूर्ण नाव नाही), राहुल (पूर्ण नाव नाही) आणि पप्पू अशी नावे समोर आली आहेत. मनीष राय हे बारावे नावदेखील महत्त्वाचे ठरले आहे. यापूर्वी अटक केलेल्या जितेंद्रसिंग राजपूत आणि मनीष रायची ओळख जेलमध्येच झाली होती, तर नव्याने अटक करण्यात आलेल्या परमेंदरची आणि जितेंद्र सिंगची ओळख मनीषने तीन वर्षांपूर्वी करून दिली होती. सहा महिन्यांपूर्वी जितेंद्रचा भाऊ आणि सराईत आरोपी आकाश सिंग राजपूतने दरोड्याच्या तयारी प्रकरणी परमेंदरला फॉन कॉल केला होता.
अन् टेम्पोतून झाले पसार
६ जून ते १३ जून या कालावधीत विविध राज्यांतून आलेल्या संशयित आरोपींनी वेगवेगळ्या पद्धतीने रेकी केली. त्यापूर्वी काही जण १५ दिवसांपूर्वीपासूनच शहरात तळ ठोकून होते. गुगल मॅप आणि प्रत्यक्ष आरोपींनी इत्थंभूत माहिती संकलित केली. सहा जण कार्यालयात घुसले होते, तर उर्वरित संशयितांनी त्यांना वेगवेगळी सेवा पुरविली. लुटीनंतर मिळणारे सोने घेऊन जाण्यासाठी त्यांनी बॅगासुद्धा उत्तर प्रदेशातून आणल्या होत्या. सोने मिळाल्यानंतर सर्व मुद्देमाल कार्यालयाच्या खाली उभ्या असलेल्या आयशर टेम्पोत भरायचा आणि संशयित आरोपींनी दुचाकीवरून फरारी व्हायचे, असे त्यांनी ठरविले होते. पण, कार्यालयात सॅज्यू सॅम्युअल या आयटी इंजिनीअरने धाडस दाखवत दरोडेखोरांना विरोध केला. त्यामुळे आरोपींनी त्याची हत्या करीत धूम ठोकली होती. या घटनेची माहिती मिळताच शहरासह लगतच्या तालुक्यांमध्ये भागांमध्ये नाकाबंदी करण्यात आली होती. त्यामुळे आरोपींना आपल्या दुचाकी सोडून पाठीमागून येणाऱ्या टेम्पोत बसावे लागले. अर्थात, पोलिसांना चकवा देण्यासाठी आरोपींनी आखलेल्या कटाचा तो भाग होता.
आकाशसिंग-परमेंदरने केली हत्या
सराईत गुन्हेगार असलेल्या परमेंदरवर दरोडा, हत्या, हत्येचा आरोप असे गुन्हे दाखल आहेत. लग्नातील वाद असो की शेतीचे भांडण अशा किरकोळ कारणांमुळे गोळीबार करण्याची परमेंदरची सवय आहे. चार भाऊ आणि चार बहिणी असे कुटुंब असलेल्या परमेंदरचे वडील शिक्षक होते, हे विशेष! त्याचे तीन भाऊ सुरत परिसरात साड्यांच्या कारखान्यांमध्ये काम करतात. त्यामुळे घटनेनंतर दडून बसण्यासाठी परमेंदरने सुरतची निवड केली होती. दरोड्याच्या घटनेच्या दिवशी मुथूट कार्यालयात सॅज्यू सॅम्युअल कामात गर्क असताना आरोपी तिथे आले. सॅम्युअलने अलार्म वाजविला. त्यामुळे दरोडेखोर चिडले होते. त्यापैकी एकाने सॅम्युअलच्या डोक्यात चापट मारली. दुसरीकडे काही दरोडेखोर व्यवस्थापकास मारहाण करीत होते. त्यामुळे चिडलेल्या सॅम्युअलने थेट दरोडेखोरांवर हल्ला चढविला. अनपेक्षित विरोधामुळे आकाशसिंग राजपूतने एक ते दोन गोळ्या सॅम्युअलवर झाडल्या आणि पाठीमागून आलेल्या परमेंदरनेसुद्धा किमान तीन गोळ्या अगदी जवळूनच सॅम्युअलच्या दिशेने झाडल्या.
माजी मंत्र्यांकडे चार वर्षे आसरा
परमेंदर सिंग हा उत्तर प्रदेशातील सराईत गुन्हेगार आहे. पोलिसांनी केलेल्या चौकशीत त्याने अनेक धक्कादायक बाबींचा उलगडा केला. विशेष म्हणजे उत्तर प्रदेशातील एका माजी मंत्र्यांकडे त्याने चार वर्षे आसरा घेतला होता. याबाबत बोलताना आयुक्त नांगरे-पाटील यांनी सांगितले, की या गुन्ह्यातील तो आरोपी असून, त्याचा इतिहास तपासण्याचे काम सुरू आहे. उत्तर प्रदेशातील एका माजी मंत्र्याकडे चार वर्षे आसरा घेतल्याचे परमेंदरनेच सांगितले. त्यामुळे त्या चार वर्षांत परमेंदर काय करीत होता, मंत्र्याने त्याला का आसरा दिला, त्यांनी मिळून काय काम केले हे या गुन्ह्याशी थेट संबंधित नाही. मात्र, पोलिसांच्या तपासात संबंधित राजकीय व्यक्तीचा अथवा एखाद्या अन्य बाहुबलीचा संबंध जोडला, तर त्यास सोडणार नाही, अशी भूमिकाही आयुक्तांनी मांडली.
या गुन्ह्यातील आरोपींची संख्या अकराच्या घरात पोहोचली आहे. याव्यतिरिक्त आणखी एक संशयित असून, त्याचा या गुन्ह्यात कशा प्रकारे समावेश आहे, यावर अद्याप प्रकाश पडलेला नाही. उत्तर प्रदेश अथवा बिहार राज्यातील कितीही मोठ्या बाहुबलीचा या गुन्ह्यात समावेश असला, तरी त्याला सोडणार नाही.
-विश्वास नांगरे-पाटील, पोलिस आयुक्त
शहरातील उंटवाडी परिसरातील मुथूट फायनान्स दरोड्याप्रकरणी शहर पोलिसांचे परराज्यांमध्ये ठिकठिकाणी छापासत्र सुरू असून, गुजरातमधील सुरत शहराजवळील कलोद्रा येथून आणखी एका संशयितास क्राईम ब्रँचने अटक केली आहे. त्यामुळे या गुन्ह्यावर नव्याने प्रकाश पडला असून, यात उत्तर-मध्य भारतात 'ज्वेल थीफ' या नावाने कुप्रसिद्ध असलेल्या गँगचा समावेश असल्याचे समोर आले आहे.
ज्वेल थीफ गँगचा म्होरक्या असलेला सुबोध सिंगने थेट जेलमध्ये बसून या दरोड्याची सूत्रे हलविली, असे पोलिसांच्या प्राथमिक चौकशीत समोर आले आहे. कोर्टाने संशयित आरोपीला आठ दिवसांची पोलिस कोठडी सुनावली आहे. परमेंदर सिंग (रा. उत्तर प्रदेश) असे क्राईम ब्रँचने मंगळवारी पहाटे अटक केलेल्या संशयित आरोपीचे नाव आहे. दरोड्यानंतर फरारी झालेला परमेंदर सुरतजवळील कलोद्रा या उत्तर भारतीयांच्या अगदीच दाट लोकवस्तीत दडून बसला होता. पण, क्राईम ब्रँचच्या पथकाने संपूर्ण रात्र जागे राहून शेवटी परमेंदरच्या मुसक्या आवळल्या. मुथूट दरोड्याचा तपास करताना शहर पोलिसांना सहा संशयित आरोपींच्या हालचालींची माहिती मिळाली होती. सुरत येथून या संशयित आरोपींची नावेसुद्धा पोलिसांना मिळाली होती. मात्र, परमेंदरच्या अटकेनंतर त्याने दिलेल्या कबुलीजबाबानुसार या गुन्ह्याची व्याप्ती वाढल्याचे दिसत आहे. या गुन्ह्यात नव्याने सुबोध सिंग, उमेश तिवारी, माझी (पूर्ण नाव नाही), राहुल (पूर्ण नाव नाही) आणि पप्पू अशी नावे समोर आली आहेत. मनीष राय हे बारावे नावदेखील महत्त्वाचे ठरले आहे. यापूर्वी अटक केलेल्या जितेंद्रसिंग राजपूत आणि मनीष रायची ओळख जेलमध्येच झाली होती, तर नव्याने अटक करण्यात आलेल्या परमेंदरची आणि जितेंद्र सिंगची ओळख मनीषने तीन वर्षांपूर्वी करून दिली होती. सहा महिन्यांपूर्वी जितेंद्रचा भाऊ आणि सराईत आरोपी आकाश सिंग राजपूतने दरोड्याच्या तयारी प्रकरणी परमेंदरला फॉन कॉल केला होता.
अन् टेम्पोतून झाले पसार
६ जून ते १३ जून या कालावधीत विविध राज्यांतून आलेल्या संशयित आरोपींनी वेगवेगळ्या पद्धतीने रेकी केली. त्यापूर्वी काही जण १५ दिवसांपूर्वीपासूनच शहरात तळ ठोकून होते. गुगल मॅप आणि प्रत्यक्ष आरोपींनी इत्थंभूत माहिती संकलित केली. सहा जण कार्यालयात घुसले होते, तर उर्वरित संशयितांनी त्यांना वेगवेगळी सेवा पुरविली. लुटीनंतर मिळणारे सोने घेऊन जाण्यासाठी त्यांनी बॅगासुद्धा उत्तर प्रदेशातून आणल्या होत्या. सोने मिळाल्यानंतर सर्व मुद्देमाल कार्यालयाच्या खाली उभ्या असलेल्या आयशर टेम्पोत भरायचा आणि संशयित आरोपींनी दुचाकीवरून फरारी व्हायचे, असे त्यांनी ठरविले होते. पण, कार्यालयात सॅज्यू सॅम्युअल या आयटी इंजिनीअरने धाडस दाखवत दरोडेखोरांना विरोध केला. त्यामुळे आरोपींनी त्याची हत्या करीत धूम ठोकली होती. या घटनेची माहिती मिळताच शहरासह लगतच्या तालुक्यांमध्ये भागांमध्ये नाकाबंदी करण्यात आली होती. त्यामुळे आरोपींना आपल्या दुचाकी सोडून पाठीमागून येणाऱ्या टेम्पोत बसावे लागले. अर्थात, पोलिसांना चकवा देण्यासाठी आरोपींनी आखलेल्या कटाचा तो भाग होता.
आकाशसिंग-परमेंदरने केली हत्या
सराईत गुन्हेगार असलेल्या परमेंदरवर दरोडा, हत्या, हत्येचा आरोप असे गुन्हे दाखल आहेत. लग्नातील वाद असो की शेतीचे भांडण अशा किरकोळ कारणांमुळे गोळीबार करण्याची परमेंदरची सवय आहे. चार भाऊ आणि चार बहिणी असे कुटुंब असलेल्या परमेंदरचे वडील शिक्षक होते, हे विशेष! त्याचे तीन भाऊ सुरत परिसरात साड्यांच्या कारखान्यांमध्ये काम करतात. त्यामुळे घटनेनंतर दडून बसण्यासाठी परमेंदरने सुरतची निवड केली होती. दरोड्याच्या घटनेच्या दिवशी मुथूट कार्यालयात सॅज्यू सॅम्युअल कामात गर्क असताना आरोपी तिथे आले. सॅम्युअलने अलार्म वाजविला. त्यामुळे दरोडेखोर चिडले होते. त्यापैकी एकाने सॅम्युअलच्या डोक्यात चापट मारली. दुसरीकडे काही दरोडेखोर व्यवस्थापकास मारहाण करीत होते. त्यामुळे चिडलेल्या सॅम्युअलने थेट दरोडेखोरांवर हल्ला चढविला. अनपेक्षित विरोधामुळे आकाशसिंग राजपूतने एक ते दोन गोळ्या सॅम्युअलवर झाडल्या आणि पाठीमागून आलेल्या परमेंदरनेसुद्धा किमान तीन गोळ्या अगदी जवळूनच सॅम्युअलच्या दिशेने झाडल्या.
माजी मंत्र्यांकडे चार वर्षे आसरा
परमेंदर सिंग हा उत्तर प्रदेशातील सराईत गुन्हेगार आहे. पोलिसांनी केलेल्या चौकशीत त्याने अनेक धक्कादायक बाबींचा उलगडा केला. विशेष म्हणजे उत्तर प्रदेशातील एका माजी मंत्र्यांकडे त्याने चार वर्षे आसरा घेतला होता. याबाबत बोलताना आयुक्त नांगरे-पाटील यांनी सांगितले, की या गुन्ह्यातील तो आरोपी असून, त्याचा इतिहास तपासण्याचे काम सुरू आहे. उत्तर प्रदेशातील एका माजी मंत्र्याकडे चार वर्षे आसरा घेतल्याचे परमेंदरनेच सांगितले. त्यामुळे त्या चार वर्षांत परमेंदर काय करीत होता, मंत्र्याने त्याला का आसरा दिला, त्यांनी मिळून काय काम केले हे या गुन्ह्याशी थेट संबंधित नाही. मात्र, पोलिसांच्या तपासात संबंधित राजकीय व्यक्तीचा अथवा एखाद्या अन्य बाहुबलीचा संबंध जोडला, तर त्यास सोडणार नाही, अशी भूमिकाही आयुक्तांनी मांडली.
या गुन्ह्यातील आरोपींची संख्या अकराच्या घरात पोहोचली आहे. याव्यतिरिक्त आणखी एक संशयित असून, त्याचा या गुन्ह्यात कशा प्रकारे समावेश आहे, यावर अद्याप प्रकाश पडलेला नाही. उत्तर प्रदेश अथवा बिहार राज्यातील कितीही मोठ्या बाहुबलीचा या गुन्ह्यात समावेश असला, तरी त्याला सोडणार नाही.
-विश्वास नांगरे-पाटील, पोलिस आयुक्त