म. टा. वृत्तसेवा, मनमाड
पनवेल येथे झालेल्या २४ व्या ओकिनावा मार्शल आर्ट्स राज्यस्तरीय कराटे स्पर्धेत मनमाड येथील कवी रवींद्रनाथ टागोर विद्यालयाच्या कबीर मयूर बोरसे याने सुवर्णपदक पटकावले.
महापालिका सभागृह नेते परेश ठाकूर, ओकिनावा मार्शल आर्ट्स अॅकॅडमीचे प्रेसिडेंट व ग्रँड मास्टर एस. श्रीनिवासन यांच्या उपस्थितीत झालेल्या या स्पर्धेत राज्यभरातील ५५० खेळाडूंनी सहभाग घेतला. स्पर्धेसाठी नाशिक जिल्ह्यातून १४ खेळाडूंचा संघ निवडण्यात आला होता. यात कबीरने सर्व फेऱ्या जिंकून सुवर्णपदक पटकावले. त्याला मनमाड कराटे अॅकॅडमीचे मुख्य प्रशिक्षक मास्टर डी. पी. त्रिभुवन यांचे मार्गदर्शन लाभले. विद्यालयाचे प्राचार्य मुकेश मिसर, वैभव कुलकर्णी, दीपक व्यवहारे, धनंजय निंभोरकर यांनी कबीरचा गौरव केला.