म. टा. वृत्तसेवा, सटाणा
मुंबई महापालिकेतील सहाय्यक आयुक्त व सटाण्याचे सुपुत्र असलेले किरण दिघावकर यांनी आपल्या वैशिष्टेपूर्ण संघटन कौशल्याच्या जोरावर महापालिकेच्या ‘ए’ विभागाचा चेहरामोहरा बदलण्यात महत्त्वपूर्ण भूमिका बजावली. त्यांच्या या कौशल्यपूर्ण कामाची दखल घेत त्यांना महापालिका आयुक्त अजोय मेहता यांच्या हस्ते ‘ऑफिसर ऑफ द मंथ’ या बहुमानाने सन्मानित करण्यात आले आहे.
मुंबापुरीचे उल्लेखनीय व प्रेक्षणीय स्थळे असलेल्या गेट वे ऑफ इंडिया, छत्रपती शिवाजी महाराज टर्मिनस, महापालिका मुख्यालय, रिझर्व बँक ऑफ इंडिया, ताजमहल हॉटेल, वानखेडे स्टेडीयम, कफ परेड रोड, मरीन ड्राईव्ह, चर्चगेट या सारखी अनेक जगप्रसिद्ध ठिकाणे मुंबई महापालिकेच्या ‘ए’ विभागाच्या कार्यक्षेत्रात येतात. याच विभागाचे सहाय्यक आयुक्तपद हे सध्या सटाण्याचे भूमिपुत्र किरण दिघावकर यांच्याकडे आहे.
दिघावकर यांनी आपल्या संघटन कौशल्याच्या जोरावर स्वच्छ मुंबई, अतिक्रमण हटाव मोहीम, सुभोशिकरण या माध्यमातून विविध उपक्रम राबवून या विभागाचा चेहरामोहरा बदलला आहे. किरण दिघावकर यांचे दहावीपर्यंतचे शिक्षण सटाणा येथील मराठा इंग्लिश स्कूलमध्ये झाले आहे. २००७ पासून ते महापालिकेच्या सेवेत आहेत.
मुंबई महापालिकेतील सहाय्यक आयुक्त व सटाण्याचे सुपुत्र असलेले किरण दिघावकर यांनी आपल्या वैशिष्टेपूर्ण संघटन कौशल्याच्या जोरावर महापालिकेच्या ‘ए’ विभागाचा चेहरामोहरा बदलण्यात महत्त्वपूर्ण भूमिका बजावली. त्यांच्या या कौशल्यपूर्ण कामाची दखल घेत त्यांना महापालिका आयुक्त अजोय मेहता यांच्या हस्ते ‘ऑफिसर ऑफ द मंथ’ या बहुमानाने सन्मानित करण्यात आले आहे.
मुंबापुरीचे उल्लेखनीय व प्रेक्षणीय स्थळे असलेल्या गेट वे ऑफ इंडिया, छत्रपती शिवाजी महाराज टर्मिनस, महापालिका मुख्यालय, रिझर्व बँक ऑफ इंडिया, ताजमहल हॉटेल, वानखेडे स्टेडीयम, कफ परेड रोड, मरीन ड्राईव्ह, चर्चगेट या सारखी अनेक जगप्रसिद्ध ठिकाणे मुंबई महापालिकेच्या ‘ए’ विभागाच्या कार्यक्षेत्रात येतात. याच विभागाचे सहाय्यक आयुक्तपद हे सध्या सटाण्याचे भूमिपुत्र किरण दिघावकर यांच्याकडे आहे.
दिघावकर यांनी आपल्या संघटन कौशल्याच्या जोरावर स्वच्छ मुंबई, अतिक्रमण हटाव मोहीम, सुभोशिकरण या माध्यमातून विविध उपक्रम राबवून या विभागाचा चेहरामोहरा बदलला आहे. किरण दिघावकर यांचे दहावीपर्यंतचे शिक्षण सटाणा येथील मराठा इंग्लिश स्कूलमध्ये झाले आहे. २००७ पासून ते महापालिकेच्या सेवेत आहेत.