डॉ. गवांदे, पाराशरे यांचे व्याख्यान
नाशिक : सार्वजनिक वाचनालय, नाशिक पुस्तक मित्र मंडळाच्यावतीने नासाच्या माध्यमातून अवकाश संशोधन क्षेत्रात महत्वपूर्ण कार्य करणाऱ्या डॉ. रोहित गवांदे आणि डॉ. चैताली पाराशरे या दाम्पत्याचे व्याख्यान आयोजित करण्यात आले आहे.
स्व. कल्पना चावला फाउंडेशनच्या सहकार्याने हा कार्यक्रम सोमवारी (१९ नोव्हेंबर) सायंकाळी ५ वाजता मु. शं. औरंगाबादकर सभागृह, सावाना आवार, टिळकपथ, नाशिक येथे हे व्याख्यान होणार आहे. नाशिक ते नासा प्रवास आणि अवकाश मोहिमेत युवकांना संधी हा व्याख्यानाचा विषय असून १४ वर्षांवरील विद्यार्थी आणि युवकांना हे व्याख्यान मार्गदर्शक ठरणार आहे.