'नवीन शैक्षणिक धोरण'
विषयावर उद्या व्याख्यान
म. टा. प्रतिनिधी, नाशिक
भारतीय शिक्षण मंडळ, पश्चिम महाराष्ट्र प्रांतातर्फे 'नवीन शैक्षणिक धोरण' या विषयावर व्याख्यानाचे आयोजन करण्यात आले आहे. उद्या (२० जुलै) सायंकाळी ६ वाजता रावसाहेब थोरात सभागृह येथे हे व्याख्यान होणार आहे. या कार्यक्रमासाठी अमरकंटक येथील इंदिरा गांधी जनजातीय विद्यपीठचे कुलगुरू डॉ. टी. व्ही. कट्टीमनी मार्गदर्शन करणार आहेत. डॉ. कट्टीमनी हे राष्ट्रीय शिक्षण धोरणं मसुदा समितीचे सदस्य म्हणून कार्यरत आहेत. तसेच यशवंतराव चव्हाण महाराष्ट्र मुक्त विद्यापीठाचे कुलगुरू डॉ. वायुनंदन, मराठा विद्या प्रसारक समाजाच्या सरचिटणीस नीलिमा पवार उपस्थित राहणार आहेत. शालेय तसेच उच्च शिक्षणात अनेक बदल या नवीन धोरणात प्रस्तावित आहेत. या मसुद्याबद्दल विविध पातळ्यांवर चर्चा आयोजित करून लोकांच्या प्रतिक्रिया जाणून घेण्याचा प्रयत्न भारतीय शिक्षण मंडळातर्फे करण्यात येत आहे. या आधी मंडळातर्फे नाशिकमधील मान्यवरांचा या विषयावर खुला संवाद आयोजित केला होता. नाशिककरांनी यावेळी उपस्थित राहण्याचे आवाहन करण्यात आले आहे.