लेवा पाटीदार मंडळातर्फे स्नेहमेळावा
नाशिक : तोताराम महाराज लेवा पाटीदार उत्कर्ष मित्रमंडळातर्फे आयोजित स्नेहमेळावा उत्साहात पार पडला. नाशिक-पुणेरोडवरील श्री स्वामी समर्थ मंगल कार्यालयात हा मेळावा पार पडला. सूरत येथील राजू राणे यांच्या अध्यक्षतेत झालेल्या या मेळाव्यादरम्यान विद्यार्थी गुणगौरवही करण्यात आला. उज्ज्वल चौधरी, नीता वराडे, माजी नगराध्यक्ष उमेश नेमाडे, मोहन झांबरे व संस्थेचे अध्यक्ष लालजी पाटील यांनी मनोगत व्यक्त केले.
क्रीडा प्रशिक्षक नीलेश राणे यांचाही सत्कार राजेश नेहेते यांच्या हस्ते करण्यात आला. यंदा शिरीष नेहेते यांनी अन्नदान केले. कार्यक्रम यशस्वीतेसाठी रघुनाथ रोटे, दत्तात्रय राणे, सतीष नेमाडे, वासुदेव पाटील व कार्यकारिणी सदस्य यांच्यासह त्रिशा लेवा महिला मंडळ आदींनी परिश्रम घेतले. सूत्रसंचालन प्रल्हाद कोलते यांनी केले. विकास टोंगळे यांनी आभार मानले. पसायदानाने कार्यक्रमाची सांगता झाली.