होळीच्या रात्री खून, नाशकातील 'मुळशी पॅटर्न' स्टाईल हत्याकांडाचा दोन तासात छडा

नाशिक : शहरातील पंचवटी परिसरात एका तरुणाची तिघांनी मिळून भर रस्त्यात धारदार शस्त्राने वार करत हत्या केली होती. या घटनेमुळे परिसरात खळबळ उडाली आहे. या प्रकरणातील संशयितांचा पोलिसांनी अवघ्या दोन तासात शोध घेत त्यांना अटक केली आहे.

पंचवटी पोलीस ठाण्याच्या गुन्हे शोध पथकाने मानवी कौशल्याचा वापर करून तसेच तांत्रिक विश्लेषणाच्या मदतीने नितीन पांडुरंग साबळे (वय २१ वर्ष, रा. शनी मंदिर मागे, पेठ रोड, पंचवटी, नाशिक), देवा उत्तम पाटील, (वय २२ वर्ष, रा. राजवाडा, पंचवटी, निमाणी समोर, नाशिक) आणि दीपक रामान्ना वर्धे (वय २३ वर्ष, रा. गजानन चौक, कौमटी गल्ली, पंचवटी, नाशिक) या संशयितांना ताब्यात घेतले आहे.

नाशिकच्या पेठ रोड वरील शनी मंदिर परिसरातील रहिवासी असलेला किरण गुंजाळ (वय २७ वर्ष) याची दिंडोरी नाक्यावर असलेल्या स्वीटच्या दुकानाच्या समोर धारदार शस्त्राने काल सायंकाळच्या सुमारास हत्या करण्यात आली होती. किरण याचा पाच ते सात किलोमीटर पाठलाग करत त्याच्यावर हल्ला चढवत त्याला गंभीर जखमी करून जीवे ठार मारण्यात आले होते.

सहा दिवसांपूर्वी दुसरं लग्न, २६ वर्षीय गे पार्टनरकडून हत्या, बिझनेसमनच्या खुनाचं गूढ उकललं
मयत गुंजाळ हा रेकॉर्डवरील सराईत गुन्हेगार होता. दिंडोरी रोडवरच असलेल्या कृषी उत्पन्न बाजार समितीत मिरची विक्रीचा व्यवसाय करत होता. मार्केट यार्ड काम करत असताना मयत किरण गुंजाळ आणि संशयितांमध्ये किरकोळ वाद झाला.

रात्रीचं इडली सांबार जीवावर बेतलं, नगरमधील बारावीच्या विद्यार्थिनीचा विषबाधेने मृत्यू
दरम्यान या वादातून संशयितांनी चाकूने गळ्यावर आणि पोटात वार करून गंभीर जखमी ठार मारले. भर रस्त्यात किरणची हत्या करून ते तिथून पसार झाले. पोलिसांनी गुन्ह्याचे गांभीर्य लक्षात घेऊन तपासाची चक्रे फिरवत दोनच तासात संशयितांना ताब्यात घेतले असून पोलीस कोठडी मिळण्यासाठी न्यायालयात हजर करण्यात येणार असल्याची माहिती पंचवटी पोलिसांनी दिली आहे.