हजारो कर्मचारी वेतनाविना; दिवाळीकडे लक्ष
म. टा. खास प्रतिनिधी, नाशिक: एसटी महामंडळाच्या हजारो कर्मचाऱ्यांचा दसरा विनावेतन साजरा झाला. महिन्याअखेरीस वेतन मिळाले तरी तो उधारी फेडण्यात जाणार आहे. दिवाळीत करायचे काय, असा प्रश्न कर्मचाऱ्यांना पडला आहे.
एसटी महामंडळाच्या बसेसची चाके पुन्हा धावू लागली. प्रवाशी संख्याही वाढली. मात्र, एसटीची आर्थिक घडी अद्याप रूळावर आलेली नाही. परिणामी उशिरा वेतन मिळणे क्रमप्राप्त झाले आहे. दोन-दोन महिने वेतन झाले नाही. झाले तर एकाच महिन्याचे मिळाले. सप्टेंबरचे वेतन सात ऑक्टोबरला होणे अपेक्षित असताना आता १६ तारीख उलटून गेली तरी एसटीच्या कर्मचाऱ्यांना वेतन मिळालेले नाही. दसऱ्याचा सण वेतनाविना साजरा झाला. आता १५ दिवसातच दिवाळी असून, सप्टेंबरअखेरीस होणारे वेतन उधारी चुकवण्यात निघून जाईल. पुढे दिवाळीच्या तोंडवर वेतन होईल की नाही, याची शाश्वती नाही. त्यामुळे कर्मचारी हवालदिल झाले आहेत.
याबाबत एका वाहकाने सांगितले की, किराणा असो की भाजी खरेदी प्रत्येक ठिकाणी आज वेतन मिळेल उद्या वेतन मिळेल असे सांगत कर्जाचा डोंगर उभा होत आहे. एसटी महामंडळाने वेतन देण्यातील अडचणी दूर सारणे गरजेचे आहे. मागली काही महिन्यात राज्यभरात सुमारे २४ कर्मचाऱ्यांनी आर्थिक परिस्थितीमुळे आत्महत्येचा मार्ग अवलंबला. पैशांचे सोंग करता येत नाही. उधारी व कर्जामुळे कुटुंबीयांना सातत्याने अपमानास्पद वागणुकीला सामोरे जावे लागते. चालक व वाहकही सतत या दबावाखाली असतात. एसटी महामंडळ प्रशासनाने या सर्व परिस्थितीशी जाणीव ठेवून वेळेवर वेतन करावे, अशी माागणी त्रस्त कर्मचाऱ्यांनी केली आहे. या महिन्यात पैसे उपलब्ध आहेत. मात्र, बँकेचा सर्वर डाउन झाल्याने वेतन देण्यात विलंब झाल्याचे कारण पुढे करण्यात आल. या दाव्यात किती तथ्य आहे, हे महत्त्वाचे नसून, कर्मचाऱ्यांचा दसरा वेतनाविना गेला आणि दिवाळीही आर्थिक ओढाताणीत जाण्याची शक्यता असल्याचा मुद्दा एका चालकाने उपस्थित केला.
म. टा. खास प्रतिनिधी, नाशिक: एसटी महामंडळाच्या हजारो कर्मचाऱ्यांचा दसरा विनावेतन साजरा झाला. महिन्याअखेरीस वेतन मिळाले तरी तो उधारी फेडण्यात जाणार आहे. दिवाळीत करायचे काय, असा प्रश्न कर्मचाऱ्यांना पडला आहे.
एसटी महामंडळाच्या बसेसची चाके पुन्हा धावू लागली. प्रवाशी संख्याही वाढली. मात्र, एसटीची आर्थिक घडी अद्याप रूळावर आलेली नाही. परिणामी उशिरा वेतन मिळणे क्रमप्राप्त झाले आहे. दोन-दोन महिने वेतन झाले नाही. झाले तर एकाच महिन्याचे मिळाले. सप्टेंबरचे वेतन सात ऑक्टोबरला होणे अपेक्षित असताना आता १६ तारीख उलटून गेली तरी एसटीच्या कर्मचाऱ्यांना वेतन मिळालेले नाही. दसऱ्याचा सण वेतनाविना साजरा झाला. आता १५ दिवसातच दिवाळी असून, सप्टेंबरअखेरीस होणारे वेतन उधारी चुकवण्यात निघून जाईल. पुढे दिवाळीच्या तोंडवर वेतन होईल की नाही, याची शाश्वती नाही. त्यामुळे कर्मचारी हवालदिल झाले आहेत.
याबाबत एका वाहकाने सांगितले की, किराणा असो की भाजी खरेदी प्रत्येक ठिकाणी आज वेतन मिळेल उद्या वेतन मिळेल असे सांगत कर्जाचा डोंगर उभा होत आहे. एसटी महामंडळाने वेतन देण्यातील अडचणी दूर सारणे गरजेचे आहे. मागली काही महिन्यात राज्यभरात सुमारे २४ कर्मचाऱ्यांनी आर्थिक परिस्थितीमुळे आत्महत्येचा मार्ग अवलंबला. पैशांचे सोंग करता येत नाही. उधारी व कर्जामुळे कुटुंबीयांना सातत्याने अपमानास्पद वागणुकीला सामोरे जावे लागते. चालक व वाहकही सतत या दबावाखाली असतात. एसटी महामंडळ प्रशासनाने या सर्व परिस्थितीशी जाणीव ठेवून वेळेवर वेतन करावे, अशी माागणी त्रस्त कर्मचाऱ्यांनी केली आहे. या महिन्यात पैसे उपलब्ध आहेत. मात्र, बँकेचा सर्वर डाउन झाल्याने वेतन देण्यात विलंब झाल्याचे कारण पुढे करण्यात आल. या दाव्यात किती तथ्य आहे, हे महत्त्वाचे नसून, कर्मचाऱ्यांचा दसरा वेतनाविना गेला आणि दिवाळीही आर्थिक ओढाताणीत जाण्याची शक्यता असल्याचा मुद्दा एका चालकाने उपस्थित केला.