व्हायरल क्लिपमुळे निलंबनाची कारवाई
म. टा. वृत्तसेवा, मालेगाव
सोशल मीडियाचा वापर चांगल्या अन् वाईट कामासाठीही होता. सोशल मीडियाचा वापर कसा करायचा हे युजर्सवर अवलंबून असते. एका वाहतूक पोलिसाला मात्र या सोशल मीडियाचा चांगलाच फटका बसला. पोलिस वर्दीचा गैरवापर करून मोटरसायकलचालकाकडे पैसे मागतानाचे वाहतूक पोलिसाचे मोबाइलवर केलेले चित्रीकरण व्हायरल झाले. याची दखल घेत अप्पर पोलिस अधीक्षकांनी त्या वाहतूक पोलिसावर निलंबनाची कारवाई केली. या निर्णयाचे नागरिकांनी स्वागत केले.
वाहतूक पोलिस कारवाईच्या नावाखाली चिरीमिरी घेत असल्याचे नवे नाही. यामुळे मालेगाव पोलिसांची प्रतिमा मलीन झाली आहे. दोन दिवसापूर्वी शहर वाहतूक शाखेत कार्यरत असलेला कर्मचारी भरत जगन्नाथ आहेर नवीन बसस्थानक येथे वाहतूक नियंत्रणासाठी तैनात होता. त्यावेळी एका मोटरसायकलचालकाची तपासणी करताना त्यांनी संबंधित चालकाकडे पैसे मागितले. वाहनचालकाने या संपूर्ण प्रकराचे मोबाइल चित्रीकरण केले. ते गेल्या दोन दिवसात सोशल मीडियावर व्हायरल झाले. या व्हिडिओ क्लिपची दखल घेत अप्पर पोलिस अधीक्षक राकेश ओला यांनी भरत आहेर याच्यावर निलंबनाचा बडगा उगारला.
सोशल मीडियाचा वाढता वचक! शहरातील वाहतूक शाखेचा भ्रष्ट कारभार चव्हाट्यावर आणणाऱ्या या व्हिडिओ क्लिपने चांगलीच खळबळ उडाली. काही दिवसांपूर्वी शहरातील प्राध्यापिकेने आपल्यावरील अन्यायाबाबत असेच सोशल मीडियावर आवाहन केले असता, जिल्हा पोलिसप्रमुखांनी त्याची दखल घेतली होती. पोलिस, महसूल अशा शासकीय यंत्रणेतील भ्रष्ट कारभाराबाबत लोकांनी आता सोशल मीडियाचा अत्यंत खुबीने वापर सुरू केला आहे. मालेगावातील निलंबन कारवाईने हे पुन्हा समोर आले आहे. पोलिस दलाकडूनदेखील प्रतिसाद या अॅप्सच्या माध्यमातून सामान्यांच्या तक्रारी जलद गतीने मार्गी लागव्यात, यासाठी आवाहन करण्यात आले आहे.
नागरिकांकडून स्वागत सोशल मीडियावर आहेर यांच्या भ्रष्टाचारी संशयास्पद वर्तनाची क्लिप प्रसारित झाल्याने मालेगाव पोलिस दलाची प्रतिमा जनमानसात मलिन झाली आहे. तसेच, पोलिस खात्यास न शोभणारे वर्तन केल्याने त्यांना पोलिस सेवेतून निलंबित करण्याचे आदेश ओला यांनी दिले आहेत. दरम्यान, नवनियुक्त अप्पर पोलिस अधीक्षक यांच्या या कारवाईचे नागरिकांकडून स्वागत होत आहे.
म. टा. वृत्तसेवा, मालेगाव
सोशल मीडियाचा वापर चांगल्या अन् वाईट कामासाठीही होता. सोशल मीडियाचा वापर कसा करायचा हे युजर्सवर अवलंबून असते. एका वाहतूक पोलिसाला मात्र या सोशल मीडियाचा चांगलाच फटका बसला. पोलिस वर्दीचा गैरवापर करून मोटरसायकलचालकाकडे पैसे मागतानाचे वाहतूक पोलिसाचे मोबाइलवर केलेले चित्रीकरण व्हायरल झाले. याची दखल घेत अप्पर पोलिस अधीक्षकांनी त्या वाहतूक पोलिसावर निलंबनाची कारवाई केली. या निर्णयाचे नागरिकांनी स्वागत केले.
वाहतूक पोलिस कारवाईच्या नावाखाली चिरीमिरी घेत असल्याचे नवे नाही. यामुळे मालेगाव पोलिसांची प्रतिमा मलीन झाली आहे. दोन दिवसापूर्वी शहर वाहतूक शाखेत कार्यरत असलेला कर्मचारी भरत जगन्नाथ आहेर नवीन बसस्थानक येथे वाहतूक नियंत्रणासाठी तैनात होता. त्यावेळी एका मोटरसायकलचालकाची तपासणी करताना त्यांनी संबंधित चालकाकडे पैसे मागितले. वाहनचालकाने या संपूर्ण प्रकराचे मोबाइल चित्रीकरण केले. ते गेल्या दोन दिवसात सोशल मीडियावर व्हायरल झाले. या व्हिडिओ क्लिपची दखल घेत अप्पर पोलिस अधीक्षक राकेश ओला यांनी भरत आहेर याच्यावर निलंबनाचा बडगा उगारला.
सोशल मीडियाचा वाढता वचक! शहरातील वाहतूक शाखेचा भ्रष्ट कारभार चव्हाट्यावर आणणाऱ्या या व्हिडिओ क्लिपने चांगलीच खळबळ उडाली. काही दिवसांपूर्वी शहरातील प्राध्यापिकेने आपल्यावरील अन्यायाबाबत असेच सोशल मीडियावर आवाहन केले असता, जिल्हा पोलिसप्रमुखांनी त्याची दखल घेतली होती. पोलिस, महसूल अशा शासकीय यंत्रणेतील भ्रष्ट कारभाराबाबत लोकांनी आता सोशल मीडियाचा अत्यंत खुबीने वापर सुरू केला आहे. मालेगावातील निलंबन कारवाईने हे पुन्हा समोर आले आहे. पोलिस दलाकडूनदेखील प्रतिसाद या अॅप्सच्या माध्यमातून सामान्यांच्या तक्रारी जलद गतीने मार्गी लागव्यात, यासाठी आवाहन करण्यात आले आहे.
नागरिकांकडून स्वागत सोशल मीडियावर आहेर यांच्या भ्रष्टाचारी संशयास्पद वर्तनाची क्लिप प्रसारित झाल्याने मालेगाव पोलिस दलाची प्रतिमा जनमानसात मलिन झाली आहे. तसेच, पोलिस खात्यास न शोभणारे वर्तन केल्याने त्यांना पोलिस सेवेतून निलंबित करण्याचे आदेश ओला यांनी दिले आहेत. दरम्यान, नवनियुक्त अप्पर पोलिस अधीक्षक यांच्या या कारवाईचे नागरिकांकडून स्वागत होत आहे.