मंगळागौरने महिलांचे मनोरंजन

म. टा. वृत्तसेवा, मनमाड

एकीकडे सर्वत्र व्हॉट्स अॅप व फेसबुकने सर्वांना वेड लावलेले असताना मनमाड मधील वेदिका मंडळाच्या महिलांनी मंगळवारी मंगळागौरच्या कार्यक्रमातून जुन्या रूढी, लोकपरंपरांचे मनोहारी दर्शन घडवले.

मनमाड येथील हुडको येथे श्री चार्वेकर बंधू यांच्यासह मनमाडमधील उद्योजक विकास काकडे डॉ. मिलिंद धारवाडकर व श्री भागवत यांच्या कडील कार्यक्रमात मंगळागौर खेळाने सर्वांचे लक्ष वेधले. या खेळाने आधुनिक युगातदेखील लोकपरंपरा टिकून असल्याचे दाखवून दिले. झिम्मा, फुगडी आणि पिंगाने या खेळात मजा तर आणलीच पण उपस्थितांची दाद मिळवली. चार्वेकर

बंधूंसह विकास काकडे, डॉ. धारवाडकर, स्नेहल भागवत आदींनी या कार्यक्रमाचे आयोजन केले. महिलांनी विविध गाण्यांच्या तालावर वेद‌िकाच्या महिलांनी मंगळागौरीचे विविधांगी खेळ सादर केले. या कार्यक्रमात महिलांनी खेळता खेळता विणलेला गोफ लक्षवेधी ठरला. या खेळात नीलिमा धारवाडकर, वैष्णवी पुरंदरे, सीमा कुलकर्णी, मयुरी काकडे, प्रांजल धारवाडकर, मानसी देशपांडे, मीनाक्षी बेंद्रे, जया देशपांडे, वृंदा शेटे, संपदा भावे, कृपा दिंडोरकर यांनी सहभाग घेतला.