म. टा. वृत्तसेवा, नाशिकरोड
श्रीमंत राजे पवार घराणे सामाजिक प्रतिष्ठानतर्फे मराठा शौर्य दिन किल्ले रामशेज येथे साजरा करण्यात आला. कार्यकारिणीचे सदस्य दत्ता पवार, अनिलकुमार पवार, हेमंत पवार, संदीप पवार, संजय पवार, राजेश पवार यांच्या हस्ते भगवा ध्वज फडकावण्यात आला.
जिल्हाध्यक्ष आशुतोष पवार व कैलास पवार यांच्या हस्ते छत्रपती शिवाजी महाराज व राजे यशवंतराव पवार यांच्या पुतळ्याचे व प्रतिमेचे पूजन करण्यात आले. पानिपतच्या लढाईवर व्याख्यान व अध्यक्षांचे भाषण झाले. अध्यक्षांनी पानिपतच्या लढाईत श्रीमंत राजे यशवंतराव पवार शेवटपर्यंत कसे लढले याचे वर्णन केले. पानिपतच्या लढाईत वीरगती प्राप्त झालेल्या शूर मराठा सरदारांना मानवंदना देण्यात आली. नाशिक, सिन्नर, निफाड, मालेगाव व कळवण तालुक्यातून नामदेव पवार प्रदीप पवार, भास्कर पवार, शाम पवार, सागर पवार, सोपान पवार, अनिल पवार, चंद्रकांत पवार, लहू पवार आदी उपस्थित होते.