रविवार बनला आनंदवार…

कलासंगम मटा आर्ट फेस्टमध्ये सहभागी झालेल्या नाशिककरांनी आमचा रविवार आनंदवार बनल्याची भावना व्यक्त केली. तरुणाईला तर अनेक गोष्टी प्रथमच प्रत्यक्ष अनुभवण्याची संधी मिळाल्याने त्यांनीही हा अनोखा फेस्ट एन्जॉय केला.

--

कलासंगम या ‘मटा’च्या आर्ट फेस्टमुळे आमचा रविवार अगदी आनंदवार होऊन गेला. विविध हौशी कलावंतांनी कार्यक्रमांत रंगत आणली. या उपक्रमाद्वारे खूप काही शिकता आले. ‘मटा’ने पुढील वर्षीही हा कलासंगम महोत्सव आयोजित करावा.

-समीर परदेशी

--

‘मटा’ने आयोजित केलेल्या कलासंगम आर्ट फेस्टमध्ये खरोखरच विविध कलांचा संगम पाहायला मिळाला. मनाला भुरळ घालणारे विविध विषयांवरील पेंटिंग्ज, तसेच विविध प्रकारची शिल्प यामुळे कलासंगमची रंगत आणखीच वाढली होती.

-संदीप बोराडे

--

‘मटा’ने कलासंगम या आर्ट फेस्टच्या रुपाने नाशिककरांना कलागुणांच्या सादरीकरणासाठी अतिशय उत्तम व्यासपीठ उपलब्ध करून दिले. या अनोख्या आर्ट फेस्टद्वारे भरपूर नवनव्या गोष्टी शिकायला आणि अनुभवायला मिळाल्या.

-प्राची पाटील

--

कलासंगम आर्ट फेस्टमधील चित्रे, शिल्प, छायाचित्रे फारच अप्रतिम होती. हौशी कलावंतांचे सादरीकरणही मस्त होते. कलेला अतिशय जवळून अनुभवण्याची संधी मला केवळ ‘मटा’मुळेच मिळाली, त्याबद्दल ‘टीम मटा’ला धन्यवाद!

-चेतन पाटील

मी प्रथमच माझे लाइव्ह पोर्ट्रेट काढले. ‘मटा’ने जी संधी दिली त्याबद्दल धन्यवाद. मुलाने सादर केलेली लावणी अन् डोक्याने पियानो वाजवणे या वेगळ्या गोष्टी पाहायला मिळाल्या. कॉलेजियन्सचा मिळालेला सपोर्ट हे या फेस्टचे यश ठरले.

-साक्षी काबरा

---

मटा आर्ट फेस्टमध्ये माझ्यासारख्या तरुणाईला अनेक गोष्टी पाहायला, शिकायला मिळाल्या. अनेक आर्टिस्टचे चित्रप्रदर्शन बघून कलेच्या बाबतीत नाशिक कुठेच मागे नसल्याचे जाणवले. मटाने असे फेस्ट ग्रामीण भागासह सर्वच कॉलेजमध्ये घ्यावेत.

-जनार्दन गायकवाड

--

सर्व छोट्या-मोठ्या कलाकारांना या फेस्टमुळे संधी मिळाली. त्यामुळे भविष्यात नक्कीच मोठ्या व्यासपीठावर अनेकांना संधी मिळेल यात शंका नाही. हा आर्ट फेस्ट नाशिकसाठी जणू पर्वणीच ठरला. लाइव्ह गाणी एेकताना मजा आली.

-धीरज बच्छाव

--

नाशिकमध्ये पहिल्यांदा असा आर्ट फेस्ट झाला. ‘मटा’चे प्रत्येक इव्हेंट्स खूप खास असतात, त्यांना आम्ही सहकुटुंब हजेरी लावतो. चित्रप्रदर्शन, लाइव्ह कॉन्सर्ट रॉक बँड्सने धमाल आणली. वेगळाच माहोल तयार करणाऱ्या ‘मटा’चे आभार.

-रुही आरोटे