म. टा. खास प्रतिनिधी, नाशिक
अत्यंत प्रतिकूल परिस्थितीशी झगडून दहावीच्या परीक्षेत यश मिळविलेल्या दहा विद्यार्थ्यांचा पुढील शैक्षणिक प्रवास सुकर व्हावा म्हणून वाचकांच्या सत्प्रवृत्तीला साद घालत ‘मटा’ने हेल्पलाइन उपक्रम हाती घेतला. त्याला प्रतिसाद देत मदतीचा ओघ सुरू आहे. शे-दोनशेपासून ते हजारांपर्यंतचे चेक जमा होऊ लागले. परंतु गरज आहे आणखी दानशूर हातांची. कारण शैक्षणिक प्रवासाचा खर्च भागविणे सोपे काम नाही.
काही व्यक्ती आणि संस्थांनी तर ‘मटा हेल्पलाइन’मधील विद्यार्थ्यांना दत्तक घेण्याची तयारीही दाखवली. त्यांच्या दातृत्त्वाला दाद द्यायलाच हवी, पण ‘मटा हेल्पलाइन’ हा जगन्नाथाचा रथ आहे, तो वाचकांच्या हातूनच ओढला जावा, अशी अपेक्षा असल्याने त्यांना ‘मटा’ने केवळ मदतीसाठी सूचना केली. ‘मटा हेल्पलाइन’मध्ये निवडण्यात आलेली ही दहा मुले अत्यंत हालाखीच्या परिस्थितीत वाढलेली असून, त्यांना पुढील शिक्षणासाठी आर्थिक मदतीची अत्यंत गरज आहे.
दीपाली वरघडे, सोनाली कुंवर, आदित्य जाधव, सचिन गांगुर्डे, धनश्री राजोळे, गौरी जाधव, आदित्य नाईक, सोनिका चिंचोले, पूजा सांगळे, प्रतीक्षा गायकवाड या दहाही मुलांना मोठे नाव कमवायचेय. त्यांच्या गरीब मातापित्यांना सुखाचे दिवस दाखवायचे परंतु, त्यासाठी भरीव मदतीची गरज मात्र आहे. ‘मटा’त या मुलांविषयीची जीवनकहाणी प्रसिद्ध झाल्यावर अनेकांनी त्यांना मार्गदर्शन करण्याची तयारी दाखवली. संकेत मिलिंद जोशी हे सीए आहेत त्यांनी यातील सीए करणाऱ्या मुलांना शिकविण्याची तयारी दाखवली आहेच; परंतु भरघोस मदतही केली आहे. याप्रकारे मदत मिळत आहे.
श्रेय दानशुरांनाच
मदतीचा ओघ आणखी वाढल्यास ही मुले मोठेपणी नक्कीच नाव काढतील आणि त्याचे सर्वस्वी श्रेय या दानशुरांनाच राहणार आहे. ऑगस्टच्या मध्यावधीपर्यंत या मुलांसाठी मटा चेक स्वीकारणार आहे. त्यानंतर लगेचच होणाऱ्या छोटेखानी कार्यक्रमात हे चेक मुलांना सुपूर्द करण्यात येतील. त्याबाबत ‘मटा’मधून जाहीर करण्यात येईल.
अत्यंत प्रतिकूल परिस्थितीशी झगडून दहावीच्या परीक्षेत यश मिळविलेल्या दहा विद्यार्थ्यांचा पुढील शैक्षणिक प्रवास सुकर व्हावा म्हणून वाचकांच्या सत्प्रवृत्तीला साद घालत ‘मटा’ने हेल्पलाइन उपक्रम हाती घेतला. त्याला प्रतिसाद देत मदतीचा ओघ सुरू आहे. शे-दोनशेपासून ते हजारांपर्यंतचे चेक जमा होऊ लागले. परंतु गरज आहे आणखी दानशूर हातांची. कारण शैक्षणिक प्रवासाचा खर्च भागविणे सोपे काम नाही.
काही व्यक्ती आणि संस्थांनी तर ‘मटा हेल्पलाइन’मधील विद्यार्थ्यांना दत्तक घेण्याची तयारीही दाखवली. त्यांच्या दातृत्त्वाला दाद द्यायलाच हवी, पण ‘मटा हेल्पलाइन’ हा जगन्नाथाचा रथ आहे, तो वाचकांच्या हातूनच ओढला जावा, अशी अपेक्षा असल्याने त्यांना ‘मटा’ने केवळ मदतीसाठी सूचना केली. ‘मटा हेल्पलाइन’मध्ये निवडण्यात आलेली ही दहा मुले अत्यंत हालाखीच्या परिस्थितीत वाढलेली असून, त्यांना पुढील शिक्षणासाठी आर्थिक मदतीची अत्यंत गरज आहे.
दीपाली वरघडे, सोनाली कुंवर, आदित्य जाधव, सचिन गांगुर्डे, धनश्री राजोळे, गौरी जाधव, आदित्य नाईक, सोनिका चिंचोले, पूजा सांगळे, प्रतीक्षा गायकवाड या दहाही मुलांना मोठे नाव कमवायचेय. त्यांच्या गरीब मातापित्यांना सुखाचे दिवस दाखवायचे परंतु, त्यासाठी भरीव मदतीची गरज मात्र आहे. ‘मटा’त या मुलांविषयीची जीवनकहाणी प्रसिद्ध झाल्यावर अनेकांनी त्यांना मार्गदर्शन करण्याची तयारी दाखवली. संकेत मिलिंद जोशी हे सीए आहेत त्यांनी यातील सीए करणाऱ्या मुलांना शिकविण्याची तयारी दाखवली आहेच; परंतु भरघोस मदतही केली आहे. याप्रकारे मदत मिळत आहे.
श्रेय दानशुरांनाच
मदतीचा ओघ आणखी वाढल्यास ही मुले मोठेपणी नक्कीच नाव काढतील आणि त्याचे सर्वस्वी श्रेय या दानशुरांनाच राहणार आहे. ऑगस्टच्या मध्यावधीपर्यंत या मुलांसाठी मटा चेक स्वीकारणार आहे. त्यानंतर लगेचच होणाऱ्या छोटेखानी कार्यक्रमात हे चेक मुलांना सुपूर्द करण्यात येतील. त्याबाबत ‘मटा’मधून जाहीर करण्यात येईल.