म. टा. खास प्रतिनिधी, नाशिक
बजेटमध्ये नगरसेवकनिधी ७५ लाख केल्याबद्दल भाजपच्या नगरसेवकांकडून महापौर रंजना भानसी यांचा, तर शेतकऱ्यांना कर्जमाफी दिल्यामुळे मुख्यंमंत्री देवेंद्र फडणवीस यांच्या अभिनंदनाचा ठराव मंजूर केला. भाजप वगळता इतर नगरसेवकांनी मात्र या ठरावावरूनच भाजपची खिल्ली उडवली. त्यामुळे महापौरांच्या वाढदिवसीच पक्षपाती निर्णयाचा आरोप करत त्यांचा धिक्कार केला. त्यातच आयुक्त अभिषेक कृष्णा यांनी नगरसेवक निधीबाबत आर्थिक परिस्थितीचा विचार करून निर्णय घेणार असल्याचे सांगतिल्याने सत्ताधाऱ्यांच्या अभिनंदन ठरावाची हवा निघून गेली.
पहिल्याच पावसात शहराची कोंडी झाली असतांना सत्ताधारी भाजपचा पालिकेतील कारभार भरकटत असल्याचे सोमवारच्या महासभेत पुन्हा सिद्ध झाले. गटनेते संभाजी मोरुस्कर, जगदीश पाटील, उद्धव निमसे यांनी मुख्यमंत्र्यांसह महापौरांच्या अभिनंदनाचा ठराव सादर केला. आर्थिक वर्षाला सुरुवात होवून तीन महिने उलटले. महासभेचा नगरसेवक निधी देण्याचा ठराव अद्यापही नगरसचिव विभागाला सादर झाला नसताना ७५ लाख रुपयांचा निधी देण्याचे श्रेय महापौरांना त्यांच्या वाढदिवसानिमित्त देण्याचा प्रयत्न सत्ताधाऱ्यांनी केला. भाजपच्या नगरसेवकांनी बाके वाजवून ठराव मंजूरही केला. परंतु आयुक्त कृष्णा यांनी आर्थिक परिस्थितीचा विचार करूनच प्रस्तावाचे पाहू, असे स्पष्टीकरण दिल्याने सत्ताधारी भाजपच्या आनंदावर विरजन पडले. साडेचार तास चाललेल्या सभेत सर्वच सदस्यांनी महापौर भानसी यांना वाढदिवसाच्या शुभेच्छा दिल्या. परंतु या अभिनंदनासोबतच नगरसेवक निधी कधी मिळेल, याबाबत शंका उपस्थित केल्या.
बजेटमध्ये नगरसेवकनिधी ७५ लाख केल्याबद्दल भाजपच्या नगरसेवकांकडून महापौर रंजना भानसी यांचा, तर शेतकऱ्यांना कर्जमाफी दिल्यामुळे मुख्यंमंत्री देवेंद्र फडणवीस यांच्या अभिनंदनाचा ठराव मंजूर केला. भाजप वगळता इतर नगरसेवकांनी मात्र या ठरावावरूनच भाजपची खिल्ली उडवली. त्यामुळे महापौरांच्या वाढदिवसीच पक्षपाती निर्णयाचा आरोप करत त्यांचा धिक्कार केला. त्यातच आयुक्त अभिषेक कृष्णा यांनी नगरसेवक निधीबाबत आर्थिक परिस्थितीचा विचार करून निर्णय घेणार असल्याचे सांगतिल्याने सत्ताधाऱ्यांच्या अभिनंदन ठरावाची हवा निघून गेली.
पहिल्याच पावसात शहराची कोंडी झाली असतांना सत्ताधारी भाजपचा पालिकेतील कारभार भरकटत असल्याचे सोमवारच्या महासभेत पुन्हा सिद्ध झाले. गटनेते संभाजी मोरुस्कर, जगदीश पाटील, उद्धव निमसे यांनी मुख्यमंत्र्यांसह महापौरांच्या अभिनंदनाचा ठराव सादर केला. आर्थिक वर्षाला सुरुवात होवून तीन महिने उलटले. महासभेचा नगरसेवक निधी देण्याचा ठराव अद्यापही नगरसचिव विभागाला सादर झाला नसताना ७५ लाख रुपयांचा निधी देण्याचे श्रेय महापौरांना त्यांच्या वाढदिवसानिमित्त देण्याचा प्रयत्न सत्ताधाऱ्यांनी केला. भाजपच्या नगरसेवकांनी बाके वाजवून ठराव मंजूरही केला. परंतु आयुक्त कृष्णा यांनी आर्थिक परिस्थितीचा विचार करूनच प्रस्तावाचे पाहू, असे स्पष्टीकरण दिल्याने सत्ताधारी भाजपच्या आनंदावर विरजन पडले. साडेचार तास चाललेल्या सभेत सर्वच सदस्यांनी महापौर भानसी यांना वाढदिवसाच्या शुभेच्छा दिल्या. परंतु या अभिनंदनासोबतच नगरसेवक निधी कधी मिळेल, याबाबत शंका उपस्थित केल्या.