नाशिक : नाशिकचे महापौर सतीश कुलकर्णी आणि विधानसभेत पक्ष प्रतोदपदी निवड झालेल्या आमदार प्रा. देवयानी फरांदे यांचा डीजीपीनगर क्रमांक १ मध्ये श्री विघ्नहरण गणेश मंदिराच्या प्रांगणात कवी किशोर पाठक यांच्या उपस्थितीत जाहीर सत्कार करण्यात आला. यावेळी आपल्या भाषणात महापौर कुलकर्णी यांनी नाशिकच्या विकाससाठी कार्यरत असून पुढील काळात अनेक कामे मार्गी लावणार आहे. यावेळी त्यांनी दोन महिन्यातील कामाचा लेखाजोखा सादर केला. तर आ. फरांदे यांनी मतदारसंघाच्या विकासासाठी संघर्ष करीत राहणार असल्याचे सांगितले. यावेळी किशोर पाठक यांनी इंदिरानगर भागात नाट्यगृह उभारण्याची मागणी केली. डीजीपीनगर सोसायटी अध्यक्ष बापूसाहेब कुलकर्णी, सेक्रेटरी अरुण दोंदे, डॉ. ठाकुर, आदींसह परिसरातील नागरिक तसेच नगरसेविका रूपाली निकुळे, शाहीन मिर्झा, तुलसी आय हॉस्पिटलचे डॉक्टर झारेकर आदि यावेळी उपस्थित होते. सूत्रसंचालन संध्या कुलकर्णी यांनी केले.
महापौर कुलकर्णी, फरांदेंचा सत्कार…
नाशिकचे महापौर सतीश कुलकर्णी आणि विधानसभेत पक्ष प्रतोदपदी निवड झालेल्या आमदार प्रा...
महाराष्ट्र टाइम्स.कॉम 10 Jan 2020, 4:00 am