लोगो - मेगाभरती
नवोदय विद्यालयात मेगा भरती
२ हजार ३७० जागा भरणार
म. टा. प्रतिनिधी, नाशिक
नवोदय विद्यालय समिती अंतर्गत मेगा भरती जाहीर झाली असून, पदवीधर, पदव्युत्तर शिक्षण आणि १२ वी उत्तीर्ण उमेदवारांना या भरतीत सहभागी होता येणार आहे. समिती अंतर्गत सहाय्यक आयुक्त ते निम्नश्रेणी लिपिक पदापर्यंत एकूण २ हजार ३७० जागांकरिता भरती होत असून, ९ ऑगस्टपर्यंत उमेदवारांना अर्ज नोंदणी करता येईल, असे समितीतर्फे सांगण्यात आले आहे.
नवोदय विद्यालय समितीमध्ये 'वर्ग अ' अंतर्गत सहाय्यक आयुक्त, 'वर्ग ब' अंतर्गत पदव्युत्तर शिक्षक, प्रशिक्षित पदवीधर शिक्षक, विविध श्रेणी शिक्षक आणि स्टार्फ नर्स ही पदे भरण्यात येणार आहेत. तसेच 'वर्ग क' अंतर्गत लीगल असिस्टंट, केटरिंग असिस्टंट आणि निम्नश्रेणी लिपिक पदे भरण्यात येणार आहेत. यासाठी विज्ञान, वाणिज्य, बी.ईडी, लॉ, लायब्ररी सायन्स, नर्सिंग डिप्लोमा, केटरिंग डिप्लोमा, १२ वी उत्तीर्ण उमेदवार पात्र आहेत. प्रत्येक पदानुसार पात्रतेचे निकष वेगळे असून, भरतीची पध्दत व नियुक्तीचे नियम देखील वेगळे आहेत. याबाबत संपूर्ण माहिती, नियम व अर्ज सादर करण्याची पध्दत समितीच्या https://navodaya.gov.in/nvs/en/Home1 या वेबसाइटवर अपलोड करण्यात आली आहे. उमेदवारांनी माहिती तपासून अर्ज नोंदणी करावी, असे आवाहन समितीने केले आहे.
--
अशा आहेत जागा
पदे जागा
सहाय्यक आयुक्त ५
पदव्युत्तर शिक्षक ४३०
प्रशिक्षित पदवीधर शिक्षक ११५४
विविध श्रेणी शिक्षक ५६४
स्टाफ नर्स ५५
लीगल असिस्टंट १
केटरिंग असिस्टंट २६
निम्नश्रेणी लिपिक १३५
--
सप्टेंबरमध्ये परीक्षा
भरती अंतर्गत अर्ज सादर केलेल्या पात्र उमेदवारांची ५ ते १० सप्टेंबर महिन्यात कम्प्युटर बेस टेस्ट घेतली जाणार आहे. राज्यात मुंबई, नागपूर, पुणे येथे परीक्षा होणार असून, देशात एकूण ४२ केंद्रांवर ही परीक्षा होईल, असे समितीतर्फे सांगण्यात आले आहे. पदानुसार परीक्षेचे स्वरुप आणि वेळेची मर्यादा भरतीच्या माहितीपुस्तिकेत वेबसाइटवर अपलोड करण्यात आली आहे.