कामगारांना धमकावले

नाशिक : अंबड एमआयडीसीतील प्रिसाईज व्हॅक्‍युम सिस्टिम प्रा. लि. कंपनी विरोधात घोषणाबाजी करून कामगारांना कंपनीत येण्यास मज्जाव केल्याप्रकरणी सहा संशयितांवर गुन्हा दाखल करण्यात आला आहे. संजय वसंत जोशी (रा. विहंग विहार कॉलनी, पाइपलाइन रोड, आनंदवल्ली) यांनी फिर्याद दिली आहे.
अंबड एमआयडीसीत असलेल्या प्रिसाईज व्हॅक्‍युम सिस्टिम प्रा. लि. कंपनीच्या प्रवेशद्वाराबाहेर गुरूवारी दुपारी दोनच्या सुमारास संशयित तुषार गाडेकर, सुभाष शिंदे, राजेंद्र मांडवले, रवींद्र पगार, देवराम लचके, अंकुश राऊत यांनी कंपनी व्यवस्थापनाविरोधात घोषणाबाजी केली. कंपनीत येणाऱ्या कामगारांना दमदाटी करीत मज्जाव केल्याचे फिर्यादीत म्हटले आहे.