म. टा. वृत्तसेवा, नाशिकरोड
गांधीनगर प्रेसचे आधुनिकीकरण करण्यास केंद्र सरकारने मान्यता दिल्याची माहिती याबाबत पाठपुरावा करणारे खासदार हेमंत गोडसे यांनी दिली. पंतप्रधान नरेंद्र मोदी यांच्या अध्यक्षतेखाली झालेल्या कॅबिनेटच्या बैठकीत याला मंजुरी देण्यात आली. आधुनिकीकरण करताना कामगारांवर संक्रात येणार नाही, असे स्पष्ट करण्यात आले आहे.
दोन वर्षांपूर्वी देशातील सर्व प्रिंटिंग प्रेस बंद करण्याचे शासनाच्या विचाराधिन होते. त्यासाठी सर्वेक्षण देखील करण्यात आले होते. गांधीनगर येथील प्रेसदेखील बंद करण्याचे नियोजन होते. खासदार हेमंत गोडसे यांनी कामगारांची भेट घेतली व त्यांना दिलासा दिला. आपण दिल्लीमध्ये जाऊन शासनाला यासंदर्भात जाब विचारू, असे आश्वासन दिले होते. त्यानंतर लगेचच गोडसे यांनी दिल्ली येथील संयुक्त सचिव नीरज मंडलोई यांची भेट घेतली. नाशिकला मुबलक प्रमाणात जागा उपलब्ध आहे. तसेच गांधीनगर प्रेसमध्ये चांगल्या पद्धतीने काम सुरू आहे, असे त्यांच्या निदर्शनास आणून दिले. आज या पाठपुराव्याला यश आले. देशभरातील १७ प्रिंटिंग प्रेस बंद झाल्या आहेत आणि फक्त पाच प्रिंटिंग प्रेसचे नूतनीकरण करण्याचा निर्णय केंद्र सरकारने घेतला आहे. त्यामध्ये गांधीनगर प्रेसचा समावेश आहे. अन्य प्रेसमध्ये नवी दिल्लीच्या तीन, पश्चिम बंगालच्या एका प्रेसचा समावेश आहे.
गांधीनगर प्रेस बंद करण्याच्या हालचाली सुरू होत्या. कामगार नेत्यांच्या सहकार्याने केंद्रात पाठपुरावा केल्यामुळे प्रेस सुरू ठेवण्यात यश मिळाले आहे. आता या प्रेसचे आधुनिकीकरण होणार असल्यामुळे सर्वांना दिलासा मिळाला आहे.
- हेमंत गोडसे, खासदार
गांधीनगर प्रेसचे आधुनिकीकरण करण्यास केंद्र सरकारने मान्यता दिल्याची माहिती याबाबत पाठपुरावा करणारे खासदार हेमंत गोडसे यांनी दिली. पंतप्रधान नरेंद्र मोदी यांच्या अध्यक्षतेखाली झालेल्या कॅबिनेटच्या बैठकीत याला मंजुरी देण्यात आली. आधुनिकीकरण करताना कामगारांवर संक्रात येणार नाही, असे स्पष्ट करण्यात आले आहे.
दोन वर्षांपूर्वी देशातील सर्व प्रिंटिंग प्रेस बंद करण्याचे शासनाच्या विचाराधिन होते. त्यासाठी सर्वेक्षण देखील करण्यात आले होते. गांधीनगर येथील प्रेसदेखील बंद करण्याचे नियोजन होते. खासदार हेमंत गोडसे यांनी कामगारांची भेट घेतली व त्यांना दिलासा दिला. आपण दिल्लीमध्ये जाऊन शासनाला यासंदर्भात जाब विचारू, असे आश्वासन दिले होते. त्यानंतर लगेचच गोडसे यांनी दिल्ली येथील संयुक्त सचिव नीरज मंडलोई यांची भेट घेतली. नाशिकला मुबलक प्रमाणात जागा उपलब्ध आहे. तसेच गांधीनगर प्रेसमध्ये चांगल्या पद्धतीने काम सुरू आहे, असे त्यांच्या निदर्शनास आणून दिले. आज या पाठपुराव्याला यश आले. देशभरातील १७ प्रिंटिंग प्रेस बंद झाल्या आहेत आणि फक्त पाच प्रिंटिंग प्रेसचे नूतनीकरण करण्याचा निर्णय केंद्र सरकारने घेतला आहे. त्यामध्ये गांधीनगर प्रेसचा समावेश आहे. अन्य प्रेसमध्ये नवी दिल्लीच्या तीन, पश्चिम बंगालच्या एका प्रेसचा समावेश आहे.
गांधीनगर प्रेस बंद करण्याच्या हालचाली सुरू होत्या. कामगार नेत्यांच्या सहकार्याने केंद्रात पाठपुरावा केल्यामुळे प्रेस सुरू ठेवण्यात यश मिळाले आहे. आता या प्रेसचे आधुनिकीकरण होणार असल्यामुळे सर्वांना दिलासा मिळाला आहे.
- हेमंत गोडसे, खासदार