नाशिक : अंजनेरी डोंगरावर फिरण्यासाठी गेलेल्या विदेशी तरूणास माकडाने चावा घेतला. ही घटना सोमवारी सायंकाळी घडली. या घटनेत युवक जखमी झाला असून त्याच्यावर सिव्हिल हॉस्पिटलमध्ये उपचार सुरू आहेत.
वालिद रोकोई (२५ रा. शेरीन मेडोज, गंगापूररोड) असे जखमी युवकाचे नाव आहे. वालिद रोकोई मूळचा अमेरिकेचा असून तो गंगापूररोड भागात काही दिवसांपासून वास्तव्यास आहे. सोमवारी सकाळी वालिद आपल्या मित्रांसह अंजनेरी डोंगरावर फिरण्यासाठी गेला होता. एका हातात छत्री तर दुसऱ्या हातात खाण्याचे पदार्थ घेऊन वालिद डोंगर चढत होता. दरम्यान, वालिदच्या हातात खाण्याचे पदार्थ असल्याने अचानक काही माकडांनी त्याच्यावर हल्ला केला. माकडांनी त्याच्या डाव्या पायास चावा घेतला. रोकोईचा मित्र अभिजित महाले याने त्यास सिव्हिलमध्ये दाखल केले.