‘लढाई निर्णायक वळणावर’

पंचवटी : आरक्षणाची लढाई निर्णायक वळणावर आहे. मराठा आरक्षणासाठी मोर्चा आणि नेतृत्त्व करण्याची जबाबदारी खासदार संभाजीराजे भोसले यांनी करावे, असा ठराव शिवाजी सहाणे यांनी मांडला.

मराठा आरक्षणाच्या संदर्भात वकिलांचे नियोजन खर्च करण्यास नाशिक जिल्हा तयार आहे. केंद्र सरकारमध्ये नियम बदलण्याची ताकद आहे. त्यांच्यावर दबाव आणण्यासाठी समाजाने चार कोटी पत्रे पाठवावीत. महाराष्ट्रातील ४८ खासदारांना सोबत घेऊन पंतप्रधान व राष्ट्रपती यांच्या भेटीसाठी दबाव आणला, असे सुनील बागूल यांनी सांगितले.

आंदोलन करताना राज्य व केंद्र यांच्यासाठीचे मुद्दे ठरवा. राज्य सरकार सवलतीच्या मागे लागू नका. आंदोलन करावेच लागेल, अशी भूमिका काही समन्वयकांनी मांडल्या. मराठा आरक्षण लढ्यास मुंबई डबेवाला यांनी पाठिंबा दिला.

महाराष्ट्रात येत्या १० आॕक्टोबर रोजी होणाऱ्या आंदोलनाशी महाराष्ट्र मराठा क्रांती मोर्चाचा कुठलाही संबंध नसल्याचे राज्य समन्वयक करण गायकर यांनी ठराव मांडताना सांगितले.