म. टा. खास प्रतिनिधी, नाशिक
राष्ट्रवादी काँग्रेस पक्षाच्या खासदार सुप्रिया सुळे आज, मंगळवारी नाशिक जिल्हा दौऱ्यावर येत असून, या दौऱ्याच्या नियोजनाबाबत नाशिकचे माजी खासदार समीर भुजबळ यांच्या उपस्थितीत सोमवारी मुंबई नाक्यावरील पक्ष कार्यालयात आढावा बैठक झाली. आमदार हेमंत टकले, प्रदेश पदाधिकारी विश्वास ठाकूर, शहराध्यक्ष रंजन ठाकरे, जिल्हाध्यक्ष कोंडाजीमामा आव्हाड, कार्याध्यक्ष विष्णुपंत म्हैसधुणे, प्रदेश पदाधिकारी नानासाहेब महाले, महिला शहराध्यक्ष अनिता भामरे, अर्जुन टिळे, दिलीप खैरे, बाळासाहेब कर्डक, लक्ष्मण मंडाले, सोमनाथ बोराडे, राजाराम धनवटे, महेश भामरे, अंबादास खैरे, संतोष सोनपसारे, संजय खैरनार, दत्ता पाटील, कैलास मुदलियार आदी उपस्थित होते. खासदार सुळे मंगळवारी सकाळी साडेनऊला भोळे मंगल कार्यालय, अंबड-लिंक रोड येथे नाशिक पश्चिम विधानसभा मतदारसंघाची आढावा बैठक घेणार आहेत. राष्ट्रवादी काँग्रेस कार्यालयात सकाळी साडेअकराला शहर, जिल्हा पदाधिकारी व कार्यकर्त्यांची आढावा बैठक होईल. त्यानंतर दुपारी चारला नांदगाव येथे मतदारसंघाची बैठक होणार आहे.