नाशिकरोड : मुलीच्या लग्नपत्रिका घेण्यासाठी पायी जात असलेल्या मायलेकीला भरधाव वेगाने आलेल्या बोलेरो गाडीची (एमएच १५ जीएल ५९९८) धडक बसल्याने जखमी झाल्याची घटना नाशिकरोड येथे घडली. स्टेशन रोडवरील महावीर बॅग या दुकानाजवळ सोमवारी सायंकाळी सहा वाजेच्या सुमारास हा अपघात झाला. या अपघातात फिर्यादी आशाबाई संतोष तळपे (वय ४०) यांच्यासह त्यांची मुलगी अर्चना या दोघी जखमी झाल्या आहेत. या अपघातात आशाबाई यांच्या पायास, तर मुलगी अर्चना हिच्या कमरेस मार लागल्याने दोघींना पालिकेच्या बिटको रुग्णालयात उपचारार्थ दाखल करण्यात आले. बोलेरो पिकअप गाडीच्या चालकाविरोधात गुन्हा दाखल करण्यात आला आहे.
मायलेकीस बोलेरोची धडक
मुलीच्या लग्नपत्रिका घेण्यासाठी पायी जात असलेल्या मायलेकीला भरधाव वेगाने आलेल्या बोलेरो गाडीची (एमएच १५ जीएल ५९९८) धडक बसल्याने जखमी झाल्याची घटना ...
महाराष्ट्र टाइम्स.कॉम 26 Feb 2020, 4:00 am