म. टा. खास प्रतिनिधी, नाशिक
पोलिस आयुक्तालयाच्या अगदी हद्दीवर असलेल्या ३३ गावांना शहर पोलिस ठाण्याच्या हद्दीत समाविष्ट करण्याच्या प्रक्रियेला जिल्हा प्रशासनाकडून अद्याप हिरवा कंदील मिळालेला नाही. याबाबत पोलिस प्रशासनाने आतापर्यंत किमान चार स्मरणपत्रे धाडली आहेत.
वेगवेगळ्या तालुक्यांमधील ही गावे शहर पोलिस दलाच्या हद्दीत आल्यास गावकऱ्यांना मोठा दिलासा मिळणार आहे. दुसरीकडे पोलिसांनासुद्धा तपास व इतर प्रशासकीय दृष्टिकोनातून फायदा होऊ शकतो. नाशिक तालुक्यातील २२ गावे, ओझरची नऊ, तर दिंडोरी तालुक्यातील दोन अशी ३३ गावे शहर पोलिस दलाच्या सीमेवर आहेत. गावकऱ्यांना तालुका, ओझर आणि दिंडोरी पोलिस ठाणे फार दूर ठरते. कायदा व सुव्यवस्थेचा प्रश्न निर्माण झाल्यास शहर पोलिस तेथून अगदी हाकेच्या अंतरावर असताना उपयोग होत नाही. या पार्श्वभूमीवर वाडीवऱ्हे, त्र्यंबकेश्वर, सिन्नर, ओझर या पोलिस ठाण्यांचा काही भाग वा पूर्ण पोलिस ठाणे शहर पोलिस दलात वर्ग करण्याच्या हालचाली अनेक वर्षांपासून सुरू आहेत. दरम्यान, वरील ३३ गावे शहर पोलिस दलात समाविष्ट होऊ शकतात. मात्र, या प्रकरणी जिल्हा प्रशासनाने अभिप्राय कळवावा याबाबत पोलिस प्रशासनाने पत्र दिले आहे. आजवर चार स्मरणपत्रे देऊनही काहीच हालचाली झालेल्या नाहीत. ओझर विमानतळ हे ग्रामीण पोलिस दलाच्या हद्दीत जाते. या ठिकाणी येणारे व्हीआयपी शहरात दाखल होताना अनेकदा सुरक्षेचा प्रश्न निर्माण होतो. तालुका पोलिस ठाण्याची हीच गत असून, येथील पोलिसांना अगदी पूर्ण शहर ओलांडून घटनास्थळी दाखल होईपर्यंत वेळ खर्ची पडतो. तांत्रिकदृष्ट्या शहर पोलिसांची हद्द रुंदावल्याचा फायदा गावकऱ्यांप्रमाणे पोलिस प्रशासनाससुद्धा मिळणार आहे.
शहराची हद्द वाढणे ही काळाची गरज आहे. ही गावे फार दूर नाहीत. यापेक्षाही मोठा विस्तार होऊ शकतो. पोलिस ठाण्यांची निर्मिती करताना मनुष्यबळ, हद्दीचे नियोजन असे तांत्रिक प्रश्न असतात. ते मार्गी लागले, की पुढील बाबी सुरळीत होतील.
-दीपक पांडे, पोलिस आयुक्त
पोलिस आयुक्तालयाच्या अगदी हद्दीवर असलेल्या ३३ गावांना शहर पोलिस ठाण्याच्या हद्दीत समाविष्ट करण्याच्या प्रक्रियेला जिल्हा प्रशासनाकडून अद्याप हिरवा कंदील मिळालेला नाही. याबाबत पोलिस प्रशासनाने आतापर्यंत किमान चार स्मरणपत्रे धाडली आहेत.
वेगवेगळ्या तालुक्यांमधील ही गावे शहर पोलिस दलाच्या हद्दीत आल्यास गावकऱ्यांना मोठा दिलासा मिळणार आहे. दुसरीकडे पोलिसांनासुद्धा तपास व इतर प्रशासकीय दृष्टिकोनातून फायदा होऊ शकतो. नाशिक तालुक्यातील २२ गावे, ओझरची नऊ, तर दिंडोरी तालुक्यातील दोन अशी ३३ गावे शहर पोलिस दलाच्या सीमेवर आहेत. गावकऱ्यांना तालुका, ओझर आणि दिंडोरी पोलिस ठाणे फार दूर ठरते. कायदा व सुव्यवस्थेचा प्रश्न निर्माण झाल्यास शहर पोलिस तेथून अगदी हाकेच्या अंतरावर असताना उपयोग होत नाही. या पार्श्वभूमीवर वाडीवऱ्हे, त्र्यंबकेश्वर, सिन्नर, ओझर या पोलिस ठाण्यांचा काही भाग वा पूर्ण पोलिस ठाणे शहर पोलिस दलात वर्ग करण्याच्या हालचाली अनेक वर्षांपासून सुरू आहेत. दरम्यान, वरील ३३ गावे शहर पोलिस दलात समाविष्ट होऊ शकतात. मात्र, या प्रकरणी जिल्हा प्रशासनाने अभिप्राय कळवावा याबाबत पोलिस प्रशासनाने पत्र दिले आहे. आजवर चार स्मरणपत्रे देऊनही काहीच हालचाली झालेल्या नाहीत. ओझर विमानतळ हे ग्रामीण पोलिस दलाच्या हद्दीत जाते. या ठिकाणी येणारे व्हीआयपी शहरात दाखल होताना अनेकदा सुरक्षेचा प्रश्न निर्माण होतो. तालुका पोलिस ठाण्याची हीच गत असून, येथील पोलिसांना अगदी पूर्ण शहर ओलांडून घटनास्थळी दाखल होईपर्यंत वेळ खर्ची पडतो. तांत्रिकदृष्ट्या शहर पोलिसांची हद्द रुंदावल्याचा फायदा गावकऱ्यांप्रमाणे पोलिस प्रशासनाससुद्धा मिळणार आहे.
-दीपक पांडे, पोलिस आयुक्त