म. टा. प्रतिनिधी, देवळाली कॅम्प
येथील डॉ. राजीव पपनेजा यांना सन २०१६ साठीचा 'भारत एक्सलन्स अवॉर्ड' नुकताच सिक्कीमचे माजी राज्यपाल रणधीर सिंग यांच्या हस्ते प्रदान करण्यात आला. आंतरराष्ट्रीय स्तरावरील 'अप टाइम सर्टिफाइड'चे नामांकन मिळवलेल्या भारतातील एकमेव इएसडीसीसारख्या संगणक क्षेत्रातील नामांकित संस्थेचे ते चीफ ऑपरेटिंग ऑफिसर व एक्झिक्युटिव्ह व्हाइस प्रेसिडेंट आहेत.
एनआर आय म्हणून भारतात राहून देशासाठी असामान्य व विशिष्ट कार्य असे करणारे डॉ. राजीव पपनेजा यांनी सातपूर शहरात कम्प्युटरच्या डेटा व हार्डवेअरशी निगडित असलेल्या इएसडीसीसारख्या कंपनीची स्थापना केली. त्यांच्याच नेतृत्वाखाली जगभरातील डेटाचे ऑटो स्केलिंग करणारी संगणकीय यंत्रणा आकार घेऊ लागली तिला नाव देण्यात आलं क्लाऊड एनलाइट.
या तंत्रज्ञानाने जगाच्या संगणकीय इतिहासात बदल घडविल्यामुळे भारताला अन्य देशांना मोजाव्या लागत असलेल्या परकीय चलन खर्चात कपात होत जाऊन जेथे शेकडो कम्प्युटरची आवश्यकता निर्माण व्हायची तेथे एका डेटा सेंटरवर सुमारे ३५ हजार ग्राहकांचा आवश्यक असलेला डेटा सुरक्षित होऊ लागला. त्यामुळे युनायटेड स्टेट ट्रेड मार्क ऑर्गनायजेशन यांच्याकडून या निर्मितीसाठी पेटंट मिळवीत अनोखे तंत्रज्ञान त्यांनी जगाला उपलब्ध करून दिले. त्यामुळे त्यांना भारतातील अनेक नामवंतांना मिळालेला हा २०१६ या वर्षाचा ' भारत एक्सलन्स अवॉर्ड ' केंद्र शासनाकडून प्रदान करण्यात आला अाहे.यापूर्वी त्यांना तंत्रज्ञान क्षेत्रातील विलक्षणीय यशाबद्दल २०१५ साली जेम्स ऑफ इंडिया या पुरस्काराने सन्मानित करण्यात आले. त्याचदिवशी त्यांच्या यशाबद्दल महात्मा गांधी एकता सन्मान इंटरनँशनल इम्पेक्ट फँक्टर सर्विसेसच्या वतीने प्रदान करण्यात आला आहे. डॉ. पपनेजा यांना मिळालेल्या यशाचे देवळाली परिसरातील विविध मान्यवरांनी स्वागत केले आहे.
डॉ. राजीव यांची ओळख रामाचार्यदास म्हणूनदेखील आहे. देवळालीतील रेस्ट कॅम्प रोडवर राहत असलेले डॉ.राजीव हे धार्मिकवृत्तीचे असून, त्यांनी इस्कॉन परिवाराची हरिनाम व ब्राह्मणदीक्षा घेतलेली आहे त्यांचे त्या परिवारातील नाव 'रामाचार्यदास' असे असून, घराजवळ त्यांनी स्वतःचे राधाकृष्णाचे मंदिर उभारले आहे.