म. टा. खास प्रतिनिधी, नाशिक
नाशिककर ओम महाजनने काश्मीर ते कन्याकुमारी (के टू के) ही ३,७०० किलोमीटरची मोहीम आठ दिवस सात तास ३८ मिनिटांत पूर्ण करीत विश्वविक्रमाला गवसणी घातली आहे. ही मोहीम पूर्ण करणारा तो जगातील सर्वांत लहान सायकलिस्ट ठरला असून, या विक्रमाची नोंद गिनीज बुक ऑफ वर्ल्ड रेकॉर्ड, डब्लूसीए रेकॉर्डमध्ये होणार आहे. ही कामगिरी करणारा ओम शहरातील पहिले एव्हरेस्टवीर हितेंद्र महाजन यांचा मुलगा आहे.
ओमने १३ नोव्हेंबर रोजी पहाटे पाचला श्रीनगरपासून सुरुवात केली. या मोहिमेत त्याने श्रीनगर- दिल्ली- झाशी- नागपूर- हैदराबाद- बेंगळुरू- मदुराई- कन्याकुमारी असा प्रवास केला. त्याच्यासोबत क्रू मेंबर म्हणून डॉ. महेंद्र महाजन, डॉ. नितीन रौंदळ, मिलिंद वाळेकर, सागर बंधारडे, पूर्वांश लखलानी, बलभीम कांबळे, डॉ. अंजना महाजन, कबीर रचुरे, नेहा पाटील, राहुल भांड आणि डॉ. हितेंद्र महाजन यांनी काम पाहिले. या मोहिमेसाठी त्याला मितेन ठक्कर यांचे प्रशिक्षण लाभले होते. 'शाळेसाठी पेडल' हा त्याच्या मोहिमेचा उद्देश होता. नाशिक शहर सायकलची राजधानी व्हावी अशी सायकल फाउंडेशनचे माजी अध्यक्ष जसपाल विरदी यांची इच्छा होती. त्यामुळे हे अभियान जसपाल विरदी यांना समर्पित केले होते. भारतातील प्रत्येकाने सायकलचा वापर करावा, अशी त्यांची इच्छा आहे. ओमने पाचवीपासून शाळेत जाण्यासाठी सायकलचा वापर केला. महाविद्यालयात जाण्यासाठीही त्याने सायकलच वापरली. इतरही मुलांनी सायकल वापरावी, असा संदेश त्याने दिला आहे. सायकल चालवण्याने पर्यावरणाबरोबरच शरीराचेही संतुलन राखण्यास मदत होते, असे तो म्हणतो.
काकांचा विक्रम मोडला
यापूर्वी ही मोहीम भरत पन्नू यांनी पूर्ण केली होती. त्यांनी हे अंतर ८ दिवस ९ तास ४८ मिनिटांत पूर्ण केले होते, तर महेंद्र महाजन यांनी नोव्हेंबर २०१८ मध्ये हे अंतर १० दिवस ९ तासांत पूर्ण केले होते. या दोघांचा विक्रम ओमने मोडीत काढला.
खडतर प्रवासाचा सामना
या मोहिमेदरम्यान ओमला प्रखर थंडीचा सामना करावा लागला. श्रीनगर येथे ० ते ४ अंश सेल्सिअस इतके तापमान होते. त्यानंतर कधी पावसाचा तडाखा, तर कधी उन्हाचा कडाका... अशा तिन्ही ऋतूंचा सामना करीत त्याने या यशाला गवसणी घातली. त्याचबरोबर दिवसाला फक्त दोन तास त्याने झोप घेतली आहे.
यापूर्वी माझे वय कमी असल्याने जास्त मोहिमा करता आल्या नाहीत ही मोहीम करणे माझे उद्दिष्ट होते. पुढच्या मोहिमेचा विचार केला नाही; परंतु जास्तीत जास्त चांगल्या मोहिमा करून नाशिकची मान उंचावेल, अशा मोहिमा करायच्या आहेत.
- ओम महाजन, सायकलिस्ट
नाशिककर ओम महाजनने काश्मीर ते कन्याकुमारी (के टू के) ही ३,७०० किलोमीटरची मोहीम आठ दिवस सात तास ३८ मिनिटांत पूर्ण करीत विश्वविक्रमाला गवसणी घातली आहे. ही मोहीम पूर्ण करणारा तो जगातील सर्वांत लहान सायकलिस्ट ठरला असून, या विक्रमाची नोंद गिनीज बुक ऑफ वर्ल्ड रेकॉर्ड, डब्लूसीए रेकॉर्डमध्ये होणार आहे. ही कामगिरी करणारा ओम शहरातील पहिले एव्हरेस्टवीर हितेंद्र महाजन यांचा मुलगा आहे.
ओमने १३ नोव्हेंबर रोजी पहाटे पाचला श्रीनगरपासून सुरुवात केली. या मोहिमेत त्याने श्रीनगर- दिल्ली- झाशी- नागपूर- हैदराबाद- बेंगळुरू- मदुराई- कन्याकुमारी असा प्रवास केला. त्याच्यासोबत क्रू मेंबर म्हणून डॉ. महेंद्र महाजन, डॉ. नितीन रौंदळ, मिलिंद वाळेकर, सागर बंधारडे, पूर्वांश लखलानी, बलभीम कांबळे, डॉ. अंजना महाजन, कबीर रचुरे, नेहा पाटील, राहुल भांड आणि डॉ. हितेंद्र महाजन यांनी काम पाहिले. या मोहिमेसाठी त्याला मितेन ठक्कर यांचे प्रशिक्षण लाभले होते. 'शाळेसाठी पेडल' हा त्याच्या मोहिमेचा उद्देश होता. नाशिक शहर सायकलची राजधानी व्हावी अशी सायकल फाउंडेशनचे माजी अध्यक्ष जसपाल विरदी यांची इच्छा होती. त्यामुळे हे अभियान जसपाल विरदी यांना समर्पित केले होते. भारतातील प्रत्येकाने सायकलचा वापर करावा, अशी त्यांची इच्छा आहे. ओमने पाचवीपासून शाळेत जाण्यासाठी सायकलचा वापर केला. महाविद्यालयात जाण्यासाठीही त्याने सायकलच वापरली. इतरही मुलांनी सायकल वापरावी, असा संदेश त्याने दिला आहे. सायकल चालवण्याने पर्यावरणाबरोबरच शरीराचेही संतुलन राखण्यास मदत होते, असे तो म्हणतो.
काकांचा विक्रम मोडला
यापूर्वी ही मोहीम भरत पन्नू यांनी पूर्ण केली होती. त्यांनी हे अंतर ८ दिवस ९ तास ४८ मिनिटांत पूर्ण केले होते, तर महेंद्र महाजन यांनी नोव्हेंबर २०१८ मध्ये हे अंतर १० दिवस ९ तासांत पूर्ण केले होते. या दोघांचा विक्रम ओमने मोडीत काढला.
खडतर प्रवासाचा सामना
या मोहिमेदरम्यान ओमला प्रखर थंडीचा सामना करावा लागला. श्रीनगर येथे ० ते ४ अंश सेल्सिअस इतके तापमान होते. त्यानंतर कधी पावसाचा तडाखा, तर कधी उन्हाचा कडाका... अशा तिन्ही ऋतूंचा सामना करीत त्याने या यशाला गवसणी घातली. त्याचबरोबर दिवसाला फक्त दोन तास त्याने झोप घेतली आहे.
यापूर्वी माझे वय कमी असल्याने जास्त मोहिमा करता आल्या नाहीत ही मोहीम करणे माझे उद्दिष्ट होते. पुढच्या मोहिमेचा विचार केला नाही; परंतु जास्तीत जास्त चांगल्या मोहिमा करून नाशिकची मान उंचावेल, अशा मोहिमा करायच्या आहेत.
- ओम महाजन, सायकलिस्ट