म. टा. प्रतिनिधी, नाशिक
शहरातील वेगवेगळ्या भागात सातत्याने चेन स्नॅचिंग होत असून, या आठवड्यात गुन्हेगारांनी लाखो रुपयांचे स्त्रीधन लुटले. सातत्याने होणाऱ्या घटनांचा माग काढणे पोलिसांना अद्याप शक्य झालेले नाही. शहरात मागील ४८ तासांत तीन ठिकाणी चेन स्नॅचिंगचे प्रकार घडले. शुक्रवारी इंदिरानगर भागातील कलानगर परिसरात सकाळी पाऊणे नऊ वाजेच्या सुमारास वैशाली आसोले (वय ४८) या पायी जात होत्या. यावेळी पत्ता विचारण्याच्या निमित्त्याने दुचाकीवरून आलेल्या दोघांनी त्यांना थांबवले. आसोलेंना काही कळायच्या आत भामट्यांनी त्यांच्या गळ्यातील ३५ हजार रुपये किमतीची सोन्याची चेन तोडून पोबारा केला. या प्रकरणी इंदिरानगर पोलिस स्टेशनमध्ये जबरी चोरीचा गुन्हा दाखल करण्यात आला आहे. चोरट्यांनी गुरुवारी गंगापूर आणि उपनगर पोलिस स्टेशन हद्दीत दोघा महिलांच्या गळ्यातील मंगळसूत्र ओरबाडून नेले. कॉलेज रोडवरील कारवा सोसायटी येथे राहणाऱ्या नलिनी मधुकर दीक्षित या त्यांच्या मैत्रीण समवेत सकाळी साडेअकरा वाजेच्या सुमारास स्वामी समर्थ चौकातून पायी जात असताना दुचाकीवरून आलेल्या दोघा चोरट्यांनी त्यांच्या गळ्यातील साडेतीन ग्रॅम वजनाची आणि ७० हजार रुपये किमतीची सोन्याची पोत ओरबाडून नेली. तिसऱ्या घटनेत मौलाना आझाद चौक येथील सत्यलक्ष्मी सोसायटीतील मलकितसिंग चरणसिंग राणा यांच्या गळ्यातील १५ ग्रॅम वजनाची १५ हजार रुपये किमतीची चेन तोडून नेली. उपनगर येथील छत्रपती शिवाजी हॉल जवळून राणा पायी जात असताना तिथे उभ्या असलेल्या चोरट्यांनी त्यांच्या गळ्यातील सोन्याची पोत चोरून पळ काढला.
शहरातील वेगवेगळ्या भागात सातत्याने चेन स्नॅचिंग होत असून, या आठवड्यात गुन्हेगारांनी लाखो रुपयांचे स्त्रीधन लुटले. सातत्याने होणाऱ्या घटनांचा माग काढणे पोलिसांना अद्याप शक्य झालेले नाही. शहरात मागील ४८ तासांत तीन ठिकाणी चेन स्नॅचिंगचे प्रकार घडले. शुक्रवारी इंदिरानगर भागातील कलानगर परिसरात सकाळी पाऊणे नऊ वाजेच्या सुमारास वैशाली आसोले (वय ४८) या पायी जात होत्या. यावेळी पत्ता विचारण्याच्या निमित्त्याने दुचाकीवरून आलेल्या दोघांनी त्यांना थांबवले. आसोलेंना काही कळायच्या आत भामट्यांनी त्यांच्या गळ्यातील ३५ हजार रुपये किमतीची सोन्याची चेन तोडून पोबारा केला. या प्रकरणी इंदिरानगर पोलिस स्टेशनमध्ये जबरी चोरीचा गुन्हा दाखल करण्यात आला आहे. चोरट्यांनी गुरुवारी गंगापूर आणि उपनगर पोलिस स्टेशन हद्दीत दोघा महिलांच्या गळ्यातील मंगळसूत्र ओरबाडून नेले. कॉलेज रोडवरील कारवा सोसायटी येथे राहणाऱ्या नलिनी मधुकर दीक्षित या त्यांच्या मैत्रीण समवेत सकाळी साडेअकरा वाजेच्या सुमारास स्वामी समर्थ चौकातून पायी जात असताना दुचाकीवरून आलेल्या दोघा चोरट्यांनी त्यांच्या गळ्यातील साडेतीन ग्रॅम वजनाची आणि ७० हजार रुपये किमतीची सोन्याची पोत ओरबाडून नेली. तिसऱ्या घटनेत मौलाना आझाद चौक येथील सत्यलक्ष्मी सोसायटीतील मलकितसिंग चरणसिंग राणा यांच्या गळ्यातील १५ ग्रॅम वजनाची १५ हजार रुपये किमतीची चेन तोडून नेली. उपनगर येथील छत्रपती शिवाजी हॉल जवळून राणा पायी जात असताना तिथे उभ्या असलेल्या चोरट्यांनी त्यांच्या गळ्यातील सोन्याची पोत चोरून पळ काढला.