म. टा. विशेष प्रतिनिधी, नाशिक
करोना काळात 'पीएम केअर' फंडातून राज्याला पुरवठा करण्यात आलेल्या निकृष्ट दर्जाच्या व्हेंटिलेटरबाबत वाद सुरू असतानाच नाशिक महापालिकेला दुसऱ्या टप्प्यात प्राप्त झालेले ६० व्हेंटिलेटरही तांत्रिक कारणाने बंद आहेत. ६० पैकी बहुतांश व्हेंटिलेटर्स हे कनेक्टरसह अन्य साहित्याअभावी बंद असून, संबंधित झायनो कंपनीने हे साहित्य पुरविण्यास नकार दिला आहे. त्यामुळे महापालिकेस प्राप्त झालेले व्हेंटिलेटर्स तपासून ते वापरण्यायोग्य नसतील, तर तांत्रिक कारणास्तव परत पाठविण्याचे निर्देश आयुक्त कैलास जाधव यांनी वैद्यकीय विभागाला दिले आहेत.
गेल्या दोन वर्षांपासून नाशिक महापालिका करोना संकटाचा सामना करीत आहे. करोनाच्या दुसऱ्या लाटेत तर खासगी व सरकारी रुग्णालयांमध्ये व्हेंटिलेटर मिळत नसल्याने रुग्णांचे बळी जात असल्याची स्थिती आहे. नागरिकांना आरोग्य व्यवस्था उपलब्ध करून देताना महापालिकेला तारेवरची कसरत करावी लागली होती. महापालिकेने डॉ. झाकिर हुसैन आणि बिटको रुग्णालयात नागरिकांच्या उपचारासाठी व्हेंटिलेटर आणि ऑक्सिजन बेड वाढविले होते. महापालिकेला पीएम केअर फंडातून करोनाच्या पहिल्या लाटेत ६०, तर दुसऱ्या लाटेत नोएडा स्थित झायना कंपनीकडून ६० व्हेंटिलेटर प्राप्त झाले आहेत. परंतु, तांत्रिक कारणामुळे हे व्हेंटिलेटर बंद आहेत. कनेक्टरसह व्हेंटिलेटर सुरू करण्यासाठीचे आवश्यक साहित्यच कंपनीने पाठविले नाही. कंपनीचा मुजोरपणा म्हणजे सदरचे व्हेंटिलेटर सुरू करण्यास कंपनीने थेट नकार दिला आहे. करोनाची तिसरी लाट येण्याचा धोका असल्यामुळे महापालिकेने वैद्यकीय सज्जता सुरू केली आहे. त्यामुळे पीएम केअर फंडातून दुसऱ्या टप्प्यात मिळालेल्या ६० व्हेंटिलेटरची तपासणी करण्याचे आदेश आयुक्तांनी दिले आहेत. महापालिकेच्या फिजिशियनसह तांत्रिक टीमला या ६० व्हेंटिलेटरची तपासणी करण्याचे निर्देश दिले आहेत. या तपासणीत हे व्हेंटिलेटर सुरू झाले नाहीत आणि कंपनीने ते सुरू करून देण्यास नकार दिला, तर थेट परत करण्याचे निर्देश आयुक्तांनी दिले आहेत.
पूर्वीचेही व्हेंटिलेटरही खराब
महापालिकेला पहिल्या टप्प्यात पीएम केअर फंडातून ६० व्हेंटिलेटर मिळाले होते. महापालिकेने हे व्हेंटिलेटर बिटको आणि डॉ. झाकिर हुसैन रुग्णालयात बसवले होते. परंतु, तांत्रिक कारणाने हे व्हेंटिलेटरदेखील दोन महिने पडून होते. एकीकडे व्हेंटिलेटरअभावी आणि ऑक्सिजनअभावी शहरात मृत्यू होत असताना, दुसरीकडे व्हेंटिलेटर बंद पडल्याचे समोर आल्यानंतर वाद निर्माण झाला होता. महापालिकेने संबंधित कंपनीला नोटीस काढून हे व्हेंटिलेटर सुरू केले होते.
करोना काळात 'पीएम केअर' फंडातून राज्याला पुरवठा करण्यात आलेल्या निकृष्ट दर्जाच्या व्हेंटिलेटरबाबत वाद सुरू असतानाच नाशिक महापालिकेला दुसऱ्या टप्प्यात प्राप्त झालेले ६० व्हेंटिलेटरही तांत्रिक कारणाने बंद आहेत. ६० पैकी बहुतांश व्हेंटिलेटर्स हे कनेक्टरसह अन्य साहित्याअभावी बंद असून, संबंधित झायनो कंपनीने हे साहित्य पुरविण्यास नकार दिला आहे. त्यामुळे महापालिकेस प्राप्त झालेले व्हेंटिलेटर्स तपासून ते वापरण्यायोग्य नसतील, तर तांत्रिक कारणास्तव परत पाठविण्याचे निर्देश आयुक्त कैलास जाधव यांनी वैद्यकीय विभागाला दिले आहेत.
गेल्या दोन वर्षांपासून नाशिक महापालिका करोना संकटाचा सामना करीत आहे. करोनाच्या दुसऱ्या लाटेत तर खासगी व सरकारी रुग्णालयांमध्ये व्हेंटिलेटर मिळत नसल्याने रुग्णांचे बळी जात असल्याची स्थिती आहे. नागरिकांना आरोग्य व्यवस्था उपलब्ध करून देताना महापालिकेला तारेवरची कसरत करावी लागली होती. महापालिकेने डॉ. झाकिर हुसैन आणि बिटको रुग्णालयात नागरिकांच्या उपचारासाठी व्हेंटिलेटर आणि ऑक्सिजन बेड वाढविले होते. महापालिकेला पीएम केअर फंडातून करोनाच्या पहिल्या लाटेत ६०, तर दुसऱ्या लाटेत नोएडा स्थित झायना कंपनीकडून ६० व्हेंटिलेटर प्राप्त झाले आहेत. परंतु, तांत्रिक कारणामुळे हे व्हेंटिलेटर बंद आहेत. कनेक्टरसह व्हेंटिलेटर सुरू करण्यासाठीचे आवश्यक साहित्यच कंपनीने पाठविले नाही. कंपनीचा मुजोरपणा म्हणजे सदरचे व्हेंटिलेटर सुरू करण्यास कंपनीने थेट नकार दिला आहे. करोनाची तिसरी लाट येण्याचा धोका असल्यामुळे महापालिकेने वैद्यकीय सज्जता सुरू केली आहे. त्यामुळे पीएम केअर फंडातून दुसऱ्या टप्प्यात मिळालेल्या ६० व्हेंटिलेटरची तपासणी करण्याचे आदेश आयुक्तांनी दिले आहेत. महापालिकेच्या फिजिशियनसह तांत्रिक टीमला या ६० व्हेंटिलेटरची तपासणी करण्याचे निर्देश दिले आहेत. या तपासणीत हे व्हेंटिलेटर सुरू झाले नाहीत आणि कंपनीने ते सुरू करून देण्यास नकार दिला, तर थेट परत करण्याचे निर्देश आयुक्तांनी दिले आहेत.
पूर्वीचेही व्हेंटिलेटरही खराब
महापालिकेला पहिल्या टप्प्यात पीएम केअर फंडातून ६० व्हेंटिलेटर मिळाले होते. महापालिकेने हे व्हेंटिलेटर बिटको आणि डॉ. झाकिर हुसैन रुग्णालयात बसवले होते. परंतु, तांत्रिक कारणाने हे व्हेंटिलेटरदेखील दोन महिने पडून होते. एकीकडे व्हेंटिलेटरअभावी आणि ऑक्सिजनअभावी शहरात मृत्यू होत असताना, दुसरीकडे व्हेंटिलेटर बंद पडल्याचे समोर आल्यानंतर वाद निर्माण झाला होता. महापालिकेने संबंधित कंपनीला नोटीस काढून हे व्हेंटिलेटर सुरू केले होते.