म. टा. खास प्रतिनिधी, नाशिक
आयसीएमआरच्या पोर्टलवर मृत्यू अपलोड होण्याचे सत्र १० जून नंतरही थांबू शकलेले नाही. शनिवारी विक्रमी ३३३ करोना बाधितांच्या मृत्यूची नोंद झाली असून त्यामध्ये ग्रामीण मधील २११ तर शहरातील ११२ जणांचा समावेश आहे. प्रत्यक्षात २४ तासात २७ बाधितांनी जीव गमावला असून एकूण मृतांची संख्या ५ हजार ९२० पर्यंत पोहोचली आहे. धक्कादायक म्हणजे दिवसभरात बाधित आढळून येणाऱ्या रुग्णांची संख्या शुक्रवारच्या (दि. ११) तुलनेत अडीचपटीने वाढून ३९५ झाली आहे.
जिल्ह्यात करोना बाधितांच्या मृत्यूचे सत्र सुरूच आहे. धक्कादायक म्हणजे गेल्या चार पाच महिन्यांत पोर्टलवर अपलोड होऊ न शकलेले मृत्यू खासगी हॉस्पिटलद्वारे आता अपलोड केले जाऊ लागले आहेत. त्यामुळे काही दिवसांपासून येणारे मृतांचे आकडे डोळे विस्फारायला लावणारे आहेत. जिल्ह्यात शनिवारी विक्रमी ३३३ जणांच्या मृत्यूची नोंद झाली आहे. यापैकी २७ मृत्यू गेल्या २४ तासांत झाले आहेत. यामध्ये ग्रामीण भागात २०, नाशिक शहरात पाच, मालेगाव शहरात दोन जणांच्या मृत्यूची नोंद झाली आहे. याशिवाय मागील काही महिन्यातील ३०६ मृत्यू देखील आज पोर्टलवर अपलोड झाले आहेत. यामध्ये ग्रामीण भागातील २११, शहरातील ११२ जणांचा समावेश आहे. मालेगाव शहरातील १० जणांचा देखील करोनामुळे मृत्यू झाला असून त्यामुळे दिवसभरात एकूण मृतांची संख्या ३३३ ने वाढली आहे. त्यामुळे एकूण मृतांची संख्या देखील ५ हजार ९२० म्हणजेच सहा हजारांपर्यंत येऊन पोहोचली आहे.
रुग्णसंख्येत अडीच पटींची वृद्धी
जिल्ह्यात करोना बाधितांची संख्या कमी झाल्याने निर्बंध शिथिल करण्यात आले. २४ तासांत बाधित आढळून येणाऱ्यांची संख्या देखील १६० पर्यंत नोंदविली गेली. परंतु, हा दिलासा क्षणिक ठरतो की काय अशी शक्यता निर्माण झाली आहे. शुक्रवारी दिवसभरात केवळ १६० रुग्णांचे अहवाल पॉझिटीव्ह आले असताना आज मात्र या संख्येत अडीच पटींनी वाढ झाली आहे. दिवसभरात ३९५ जणांना करोनाची बाधा झाल्याचे स्पष्ट झाले आहे. यामध्ये ग्रामीण भागातील ३०२, शहरातील ८२, मालेगाव शहरातील १० तर जिल्हा बाह्य एक जणाचा अहवाल पॉझिटिव्ह आला आहे. त्यामुळे एकूण रुग्णांची संख्या ३ लाख ९० हजार ७४९ पर्यंत पोहोचली आहे. दिवसभरात ३२९ रुग्णांनी करोनावर मात केली असून त्यामुळे एकूण करोनामुक्त रुग्णांची संख्या ३ लाख ८० हजार ५०३ झाली आहे. जिल्ह्यात सध्या ४ हजार ३२६ अॅक्टिव्ह रुग्ण असून ९१५ संभाव्य रुग्णांचे अहवाल येणे बाकी आहे.
आयसीएमआरच्या पोर्टलवर मृत्यू अपलोड होण्याचे सत्र १० जून नंतरही थांबू शकलेले नाही. शनिवारी विक्रमी ३३३ करोना बाधितांच्या मृत्यूची नोंद झाली असून त्यामध्ये ग्रामीण मधील २११ तर शहरातील ११२ जणांचा समावेश आहे. प्रत्यक्षात २४ तासात २७ बाधितांनी जीव गमावला असून एकूण मृतांची संख्या ५ हजार ९२० पर्यंत पोहोचली आहे. धक्कादायक म्हणजे दिवसभरात बाधित आढळून येणाऱ्या रुग्णांची संख्या शुक्रवारच्या (दि. ११) तुलनेत अडीचपटीने वाढून ३९५ झाली आहे.
जिल्ह्यात करोना बाधितांच्या मृत्यूचे सत्र सुरूच आहे. धक्कादायक म्हणजे गेल्या चार पाच महिन्यांत पोर्टलवर अपलोड होऊ न शकलेले मृत्यू खासगी हॉस्पिटलद्वारे आता अपलोड केले जाऊ लागले आहेत. त्यामुळे काही दिवसांपासून येणारे मृतांचे आकडे डोळे विस्फारायला लावणारे आहेत. जिल्ह्यात शनिवारी विक्रमी ३३३ जणांच्या मृत्यूची नोंद झाली आहे. यापैकी २७ मृत्यू गेल्या २४ तासांत झाले आहेत. यामध्ये ग्रामीण भागात २०, नाशिक शहरात पाच, मालेगाव शहरात दोन जणांच्या मृत्यूची नोंद झाली आहे. याशिवाय मागील काही महिन्यातील ३०६ मृत्यू देखील आज पोर्टलवर अपलोड झाले आहेत. यामध्ये ग्रामीण भागातील २११, शहरातील ११२ जणांचा समावेश आहे. मालेगाव शहरातील १० जणांचा देखील करोनामुळे मृत्यू झाला असून त्यामुळे दिवसभरात एकूण मृतांची संख्या ३३३ ने वाढली आहे. त्यामुळे एकूण मृतांची संख्या देखील ५ हजार ९२० म्हणजेच सहा हजारांपर्यंत येऊन पोहोचली आहे.
रुग्णसंख्येत अडीच पटींची वृद्धी
जिल्ह्यात करोना बाधितांची संख्या कमी झाल्याने निर्बंध शिथिल करण्यात आले. २४ तासांत बाधित आढळून येणाऱ्यांची संख्या देखील १६० पर्यंत नोंदविली गेली. परंतु, हा दिलासा क्षणिक ठरतो की काय अशी शक्यता निर्माण झाली आहे. शुक्रवारी दिवसभरात केवळ १६० रुग्णांचे अहवाल पॉझिटीव्ह आले असताना आज मात्र या संख्येत अडीच पटींनी वाढ झाली आहे. दिवसभरात ३९५ जणांना करोनाची बाधा झाल्याचे स्पष्ट झाले आहे. यामध्ये ग्रामीण भागातील ३०२, शहरातील ८२, मालेगाव शहरातील १० तर जिल्हा बाह्य एक जणाचा अहवाल पॉझिटिव्ह आला आहे. त्यामुळे एकूण रुग्णांची संख्या ३ लाख ९० हजार ७४९ पर्यंत पोहोचली आहे. दिवसभरात ३२९ रुग्णांनी करोनावर मात केली असून त्यामुळे एकूण करोनामुक्त रुग्णांची संख्या ३ लाख ८० हजार ५०३ झाली आहे. जिल्ह्यात सध्या ४ हजार ३२६ अॅक्टिव्ह रुग्ण असून ९१५ संभाव्य रुग्णांचे अहवाल येणे बाकी आहे.