म. टा. खास प्रतिनिधी, नाशिक
साधारणत: दोन महिन्यांच्या अंतराने करोना रुग्णांनी पुन्हा सहाशेचा टप्पा ओलांडला आहे. शहर आणि जिल्ह्यात मिळून दिवसभरात तब्बल ६०१ नव्या रुग्णांची भर पडली आहे. जानेवारीनंतर फेब्रुवारीच्या पहिल्या आठवड्यात नीचांकी पातळी गाठलेल्या करोनाने मोठी उसळी घेतली असून, शहरासाठी हा धोक्याचा इशारा ठरला आहे.
रुग्णांची वाढणारी संख्या लक्षात घेता शहरासह जिल्ह्यात रात्रीची संचारबंदी लागू करण्यात आली आहे. मात्र, त्याचाही फारसा परिणाम झालेला नाही. राज्य सरकारने ही बाब गृहीत धरून करोना रुग्णसंख्या वाढल्यास थेट लॉकडाउन करण्याचा इशारा दिला आहे. गुरुवारी दिवसभरात ६०१ करोना रुग्णांची भर पडली, तर २९१ रुग्णांनी करोनावर मात केली. नाशिक ग्रामीणमध्ये १६२, शहरात ३६६, मालेगावमध्ये ५३, तर जिल्हाबाह्य २० अशी ही रुग्णवाढ झाली आहे. नाशिक शहर, मालेगाव आणि नाशिक ग्रामीणमध्ये प्रत्येकी एक अशा तीन मृत्यूंची नोंद झाली. शहर आणि जिल्ह्यात मिळून दोन हजार ४६९ रुग्णांवर विविध ठिकाणी उपचार सुरू आहेत. याच महिन्याच्या सुरुवातीला हे प्रमाण हजारापर्यंत खाली सरकले होते.
नाशिक शहरात सर्वाधिक एक हजार ७१९, ग्रामीणमध्ये ५५०, मालेगाावमध्ये १७४, तर जिल्हाबाह्य २६ रुग्णांवर उपचार सुरू आहेत. आतापर्यंत एकूण एक लाख २१ हजार ४७८ करोना रुग्ण पॉझिटिव्ह आढळले असून, त्यापैकी एक लाख १६ हजार ९१४ रुग्णांनी करोनावर यशस्वी मात केली आहे. दोन हजार ९५ रुग्णांचा करोनामुळे मृत्यू झाला. बरे होणाऱ्या रुग्णांची टक्केवारी घसरून ९६.२४ इतकी झाली आहे.
साधारणत: दोन महिन्यांच्या अंतराने करोना रुग्णांनी पुन्हा सहाशेचा टप्पा ओलांडला आहे. शहर आणि जिल्ह्यात मिळून दिवसभरात तब्बल ६०१ नव्या रुग्णांची भर पडली आहे. जानेवारीनंतर फेब्रुवारीच्या पहिल्या आठवड्यात नीचांकी पातळी गाठलेल्या करोनाने मोठी उसळी घेतली असून, शहरासाठी हा धोक्याचा इशारा ठरला आहे.
रुग्णांची वाढणारी संख्या लक्षात घेता शहरासह जिल्ह्यात रात्रीची संचारबंदी लागू करण्यात आली आहे. मात्र, त्याचाही फारसा परिणाम झालेला नाही. राज्य सरकारने ही बाब गृहीत धरून करोना रुग्णसंख्या वाढल्यास थेट लॉकडाउन करण्याचा इशारा दिला आहे. गुरुवारी दिवसभरात ६०१ करोना रुग्णांची भर पडली, तर २९१ रुग्णांनी करोनावर मात केली. नाशिक ग्रामीणमध्ये १६२, शहरात ३६६, मालेगावमध्ये ५३, तर जिल्हाबाह्य २० अशी ही रुग्णवाढ झाली आहे. नाशिक शहर, मालेगाव आणि नाशिक ग्रामीणमध्ये प्रत्येकी एक अशा तीन मृत्यूंची नोंद झाली. शहर आणि जिल्ह्यात मिळून दोन हजार ४६९ रुग्णांवर विविध ठिकाणी उपचार सुरू आहेत. याच महिन्याच्या सुरुवातीला हे प्रमाण हजारापर्यंत खाली सरकले होते.
नाशिक शहरात सर्वाधिक एक हजार ७१९, ग्रामीणमध्ये ५५०, मालेगाावमध्ये १७४, तर जिल्हाबाह्य २६ रुग्णांवर उपचार सुरू आहेत. आतापर्यंत एकूण एक लाख २१ हजार ४७८ करोना रुग्ण पॉझिटिव्ह आढळले असून, त्यापैकी एक लाख १६ हजार ९१४ रुग्णांनी करोनावर यशस्वी मात केली आहे. दोन हजार ९५ रुग्णांचा करोनामुळे मृत्यू झाला. बरे होणाऱ्या रुग्णांची टक्केवारी घसरून ९६.२४ इतकी झाली आहे.