म. टा. प्रतिनिधी, नाशिक
नाशिक सायकलिस्ट फाउंडेशन व नाशिक शहर पोलिस यांच्या संयुक्त विद्यमाने सोमवार कॅनडा कॉर्नर येथील सिंग्नलवर नो हॉर्न डे पाळण्यात आला.
यावेळी नाशिक सायकलिस्टचे स्वयंसेवक मोठ्या संख्येने बोर्ड घेऊन नागरिकांना आवाहन करत होते. यावेळी शहर पोलिस, वाहतूक शाखेचे कर्मचारी तसेच काही विद्यार्थी देखील सहभागी झाले. विद्यार्थ्यांसह परिसरातील सामाजिक कार्यकर्त्यांनी वाहन चालकांना फुले आणि चॉकलेट देऊन हॉर्न न वाजवण्याचे आवाहन केले. पोलिस आयुक्त डॉ. रवींद्र सिंगल यांच्या मार्गदर्शनाखाली दर सोमवारी ‘नो हॉर्न डे’ पाळण्यासाठी पोलिस प्रशासनाने प्रबोधन मोहीम सुरू केली आहे. शहराच्या विविध भागात गेल्या सोमवारीही अशी मोहीम झाली होती. सोमवारी हॉर्न वाजवायचा नाही, अशी शपथ पोलिस वाहनचालकांना देत आहेत. यावेळी विद्यार्थ्यांनी हॉर्न न वाजवण्याबाबत वाहनचालकांमध्ये जनजागृती केली. विद्यार्थ्यांनी ‘नो हॉर्न डे’च्या पाट्या तयार करून प्रबोधन फेरी काढली. नाशिक सायकलिस्टने केवळ हॉर्न वाजवू नका असे अवाहन केले नाही तर हेल्मेट परिधान करा, चारचाकी गाडी चालवतांना सिटबेल्टचा वापर करा, असेही यावेळी आवाहन करण्यात आले. शहराच्या विविध भागात ही मोहीम राबविण्यात आली.
नाशिक सायकलिस्ट फाउंडेशन व नाशिक शहर पोलिस यांच्या संयुक्त विद्यमाने सोमवार कॅनडा कॉर्नर येथील सिंग्नलवर नो हॉर्न डे पाळण्यात आला.
यावेळी नाशिक सायकलिस्टचे स्वयंसेवक मोठ्या संख्येने बोर्ड घेऊन नागरिकांना आवाहन करत होते. यावेळी शहर पोलिस, वाहतूक शाखेचे कर्मचारी तसेच काही विद्यार्थी देखील सहभागी झाले. विद्यार्थ्यांसह परिसरातील सामाजिक कार्यकर्त्यांनी वाहन चालकांना फुले आणि चॉकलेट देऊन हॉर्न न वाजवण्याचे आवाहन केले. पोलिस आयुक्त डॉ. रवींद्र सिंगल यांच्या मार्गदर्शनाखाली दर सोमवारी ‘नो हॉर्न डे’ पाळण्यासाठी पोलिस प्रशासनाने प्रबोधन मोहीम सुरू केली आहे. शहराच्या विविध भागात गेल्या सोमवारीही अशी मोहीम झाली होती. सोमवारी हॉर्न वाजवायचा नाही, अशी शपथ पोलिस वाहनचालकांना देत आहेत. यावेळी विद्यार्थ्यांनी हॉर्न न वाजवण्याबाबत वाहनचालकांमध्ये जनजागृती केली. विद्यार्थ्यांनी ‘नो हॉर्न डे’च्या पाट्या तयार करून प्रबोधन फेरी काढली. नाशिक सायकलिस्टने केवळ हॉर्न वाजवू नका असे अवाहन केले नाही तर हेल्मेट परिधान करा, चारचाकी गाडी चालवतांना सिटबेल्टचा वापर करा, असेही यावेळी आवाहन करण्यात आले. शहराच्या विविध भागात ही मोहीम राबविण्यात आली.