पोलिस आयुक्तांचा इशारा
म. टा. प्रतिनिधी, नाशिक
मैत्रेयकडून लवकरात लवकर एस्क्रो खात्यावर रक्कम वर्ग होणे अपेक्षित आहे मात्र, त्यांनी टाळाटाळ करण्याचा प्रयत्न केल्यास मैत्रेयची सर्व मालमत्ता एस्क्रो खात्यास जोडण्याची कारवाई केली जाईल, असा इशारा पोलिस आयुक्त एस. जगन्नाथन यांनी दिला आहे.
ते म्हणाले की, आर्थिक फसवणूक झालेल्या गुंतवणूकदारांची रक्कम त्यांना परत मिळवून देण्यास पोलिसांचे प्राधान्य आहे. फसवणूक करणाऱ्या कंपन्यांना वठणीवर आणावे आणि अन्य कुणी असा गुन्हा करण्याची हिंमतच दाखवू नये असा आमचा प्रयत्न आहे. कोर्टाच्या आदेशाप्रमाणे पोलिस प्रशासन काम करीत आहे. तसेच कंपनीबाबतच्या काही आक्षेपार्ह बाबी कोर्टाच्या निदर्शनास आणून दिल्या जात आहेत. मैत्रेयकडून एस्क्रो खात्यात जमा झालेली रक्कम गुंतवणूकदारांना देण्यासाठी पोलिस प्रशासन पहिली यादी चार दिवसात कोर्टात सादर करेल. गुंतवणुकदारांचा प्राधान्यक्रम ठरविताना आलेल्या तांत्रिक अडचणींमुळे ही यादी सादर करता आली नव्हती. ज्या ज्या तक्रारी नाशिक पोलिसांकडे दाखल होतीत त्या सर्वांना त्यांची रक्कम मिळवून देण्यास आमचे प्राधान्य आहे. यादी सादर झाल्यानंतर कोर्टाच्या आदेशाने एस्क्रो खात्यातून गुंतवणूकदारांना धनादेश देऊन किंवा थेट त्यांच्या बँक खात्यावर रक्कम जमा करण्याची कार्यवाही करण्यात येणार आहे. यामध्ये कायदेशीर अडचण नसल्याचे पोलिस प्रशासनाने कोर्टाच्या निदर्शनास आणून दिले आहे.
तक्रार दाखल करणाऱ्यांसह कंपनीने फसवणूक केलेल्या देशभरातील सर्वच गुंतवणूकदारांचे पैसे परत मिळावे हा आमचा उद्देश आहे. कंपनीने कोर्टात सादर केलेले आराखडे भुलभुलैय्या असल्याचे निदर्शनास येताच त्यावर आक्षेप घेण्यात आला. आगामी काळात कंपनीने रक्कम भरण्यास टाळाटाळ केलीच तर कोर्टाची परवानगी घेऊन त्यांची मालमत्ता एस्क्रो खात्यास जोडण्याची तयारी पोलिस प्रशासनाने ठेवली आहे. यामुळे कोणत्याही स्थितीत गुंतवणूकदारांची रक्कम परत मिळवून देणे हाच उद्देश प्रशासनाने समोर असल्याची माहिती जगन्नाथन यांनी दिली.
पश्चिम बंगालचे खाते एस्क्रोच!
पश्चिम बंगालच्या पोलिस प्रशासनाने अशाच प्रकारे गुंतवणूकदारांची फसवणूक करणाऱ्या पिअर्लेस कंपनीवर कारवाई केली आहे. आठवडाभरापूर्वी त्यांनी दैनिकांमध्ये देशभर जाहिराती देऊन गुंतवणूकदारांना पैसे घेऊन जाण्याचे आवाहन केले आहे. त्या पोलिसांनी एस्क्रो खाते तयार केले असून, त्याद्वारे गुंतवणुकदारांना थेट धनादेश दिले जात आहेत.
म. टा. प्रतिनिधी, नाशिक
मैत्रेयकडून लवकरात लवकर एस्क्रो खात्यावर रक्कम वर्ग होणे अपेक्षित आहे मात्र, त्यांनी टाळाटाळ करण्याचा प्रयत्न केल्यास मैत्रेयची सर्व मालमत्ता एस्क्रो खात्यास जोडण्याची कारवाई केली जाईल, असा इशारा पोलिस आयुक्त एस. जगन्नाथन यांनी दिला आहे.
ते म्हणाले की, आर्थिक फसवणूक झालेल्या गुंतवणूकदारांची रक्कम त्यांना परत मिळवून देण्यास पोलिसांचे प्राधान्य आहे. फसवणूक करणाऱ्या कंपन्यांना वठणीवर आणावे आणि अन्य कुणी असा गुन्हा करण्याची हिंमतच दाखवू नये असा आमचा प्रयत्न आहे. कोर्टाच्या आदेशाप्रमाणे पोलिस प्रशासन काम करीत आहे. तसेच कंपनीबाबतच्या काही आक्षेपार्ह बाबी कोर्टाच्या निदर्शनास आणून दिल्या जात आहेत. मैत्रेयकडून एस्क्रो खात्यात जमा झालेली रक्कम गुंतवणूकदारांना देण्यासाठी पोलिस प्रशासन पहिली यादी चार दिवसात कोर्टात सादर करेल. गुंतवणुकदारांचा प्राधान्यक्रम ठरविताना आलेल्या तांत्रिक अडचणींमुळे ही यादी सादर करता आली नव्हती. ज्या ज्या तक्रारी नाशिक पोलिसांकडे दाखल होतीत त्या सर्वांना त्यांची रक्कम मिळवून देण्यास आमचे प्राधान्य आहे. यादी सादर झाल्यानंतर कोर्टाच्या आदेशाने एस्क्रो खात्यातून गुंतवणूकदारांना धनादेश देऊन किंवा थेट त्यांच्या बँक खात्यावर रक्कम जमा करण्याची कार्यवाही करण्यात येणार आहे. यामध्ये कायदेशीर अडचण नसल्याचे पोलिस प्रशासनाने कोर्टाच्या निदर्शनास आणून दिले आहे.
तक्रार दाखल करणाऱ्यांसह कंपनीने फसवणूक केलेल्या देशभरातील सर्वच गुंतवणूकदारांचे पैसे परत मिळावे हा आमचा उद्देश आहे. कंपनीने कोर्टात सादर केलेले आराखडे भुलभुलैय्या असल्याचे निदर्शनास येताच त्यावर आक्षेप घेण्यात आला. आगामी काळात कंपनीने रक्कम भरण्यास टाळाटाळ केलीच तर कोर्टाची परवानगी घेऊन त्यांची मालमत्ता एस्क्रो खात्यास जोडण्याची तयारी पोलिस प्रशासनाने ठेवली आहे. यामुळे कोणत्याही स्थितीत गुंतवणूकदारांची रक्कम परत मिळवून देणे हाच उद्देश प्रशासनाने समोर असल्याची माहिती जगन्नाथन यांनी दिली.
पश्चिम बंगालचे खाते एस्क्रोच!
पश्चिम बंगालच्या पोलिस प्रशासनाने अशाच प्रकारे गुंतवणूकदारांची फसवणूक करणाऱ्या पिअर्लेस कंपनीवर कारवाई केली आहे. आठवडाभरापूर्वी त्यांनी दैनिकांमध्ये देशभर जाहिराती देऊन गुंतवणूकदारांना पैसे घेऊन जाण्याचे आवाहन केले आहे. त्या पोलिसांनी एस्क्रो खाते तयार केले असून, त्याद्वारे गुंतवणुकदारांना थेट धनादेश दिले जात आहेत.