नाशिक : सातपूर औद्योगिक वसाहतीमधील एका कंपनीत आज, पहाटेच्या सुमारास भीषण आग लागली. आगीवर नियंत्रण मिळवण्यासाठी अग्निशमन दलाच्या जवानांकडून शर्थीचे प्रयत्न सुरू होते. घटनास्थळी १२ अग्निशमन बंब पोहोचले होते. सातपूर एमआयडीसीतील प्लॉट नंबर ३४ ए निलराज इंजीनियरिंग या कंपनीत सकाळी सव्वा पाच वाजता आग लागली. कंपनीच्या पहिल्या मजल्यावर कॅपॅसिटरसाठी लागणारे ॲल्युमिनियम कॅपच्या गोदामाला आग लागली होती. या आगीत ॲल्युमिनियम कॅप व खोके जळून खाक झाले. नाशिक महानगरपालिका, एमआयडीसी व महिंद्रा अँड महिंद्राच्या अग्निशमन बंबांच्या मदतीने आग आटोक्यात आणण्याचे प्रयत्न सुरू होते. सकाळी नऊ वाजेपर्यंत १२ अग्निशमन बंबांच्या मदतीने आगीवर नियंत्रण मिळवण्याचे प्रयत्न सुरू असल्याची माहिती अग्निशमन दलाकडून देण्यात आली.
Nashik Factory Fire : नाशिकमधील सातपूर एमआयडीसीत आगडोंब, कंपनीच्या पहिल्या मजल्यावर...
नाशिकमधील सातपूर एमआयडीसीत एका कंपनीत पहाटे भीषण आग लागली. कंपनीच्या पहिल्या मजल्यावर ही आग लागली होती. १२ अग्निशमन बंब घटनास्थळी पोहोचले होते. पहाटेपासून आग आटोक्यात आणण्याचे प्रयत्न सुरू होते.
हायलाइट्स:
- नाशिकमधील सातपूर एमआयडीसीत आगडोंब
- कंपनीतील गोदामात भीषण आग
- पहाटेच्या सुमारास लागलेल्या आगीत मोठी वित्तहानी
- १२ अग्निशमन बंबांच्या मदतीने आगीवर नियंत्रण मिळवण्याचे प्रयत्न