मनपा आयुक्तांसह बड्या अधिकाऱ्यांचे व्हॉट्सॲप हॅक, मेसेज पाहून पोलिस अधिकारीही चक्रावले

नाशिक : तुमचा मोबाइल चोरीला गेलाय किंवा तुम्ही मोबाइल बदललाय आणि व्हाट्सअप लॉगऑउट करायचं विसरलाय... तुम्हाला बड्या अधिकाऱ्यांचे नवीन नंबरवरून कॉल मेसेज येताय... तर सावधान..... काही महिन्यांपूर्वी मोबाइल चोरीला गेलेल्या वापरकर्त्यांनी त्याच क्रमांकाचे दुसरे सिमकार्ड नव्या मोबाइलमध्ये वापरण्यास सुरुवात केल्यानं हॅकर्सना संधी चालून संधी आलीय. गायब झालेल्या मोबाइलमध्ये त्यांचे व्हॉट्सॲप सुरू राहिल्याची बाब हॅकर्सने हेरलीय. त्यातूनच शहरातील महापालिका आयुक्त आणि विभागीय आयुक्त या दोन आयएएस अधिकाऱ्यांची बनावट ओळख दर्शवून मेसेज पाठविण्यात आलेय. हे दोन्ही सिमकार्ड क्रमांक पोलिसांनी शोधलेय. त्यातून पुणे आणि गुजरात कनेक्शन पुढे येत आहे. केवळ हॅकिंग आणि डेटा चोरीतून हा प्रकार घडल्याचा प्राथमिक अंदाज आहे.

चार दिवसांपूर्वी महापालिका आयुक्त चंद्रकांत पुलकुंडवार यांचा फोटो आणि नाव वापरून अधिकाऱ्यांना दुसऱ्याच क्रमांकावरून मेसेज आले. असाच प्रकार दोन दिवसांपूर्वी विभागीय आयुक्त राधाकृष्ण गमे यांच्याबाबतही घडलाय. दोन्ही प्रकरणी सायबर पोलिसांत गुन्हा दाखल केला करण्यात आला आहे. वरिष्ठ पोलिस निरीक्षक सुरज बिजली यांनी प्राथमिक तपास केला. पुलकुंडवार सध्याचे महापालिका आयुक्त, तर गमे तत्कालीन महापालिका आयुक्त असल्याची बाब समान आहे. यामुळे महापालिकेचा कॉन्टॅक्ट डेटा कुठेतरी यातील महत्त्वाचा धागा ठरण्याची शक्यता आहे.

आयएएस अधिकारी हॅकर्सने रडारवर घेतल्याचं प्रकरण गंभीर असून सायबर पोलिसांनी याबाबत खोलवर याचा तपास करून हे रॅकेट उद्धवस्त करण्याची गरज आहे.

नाशिकमध्ये धबधब्यात अडकले पर्यटक: १७ जणांना वाचवण्यात यश; मात्र एक तरुण

हे प्रकरण नेमकं कसं घडलंय त्यावर एक नजर टाकूया...

- ९८३४२४६२६३ या क्रमांकावरून पुलकुंडवार यांची, तर ९३४०२३३४६६ या क्रमांकावरून गमे यांची ओळख दर्शविण्यात आली
- पहिला क्रमांक पुण्यातील आळेफाटा येथे राहणाऱ्या एका व्यक्तीचा आहे. तो खासगी कर्मचारी आहे. तर दुसरा क्रमांक मध्य प्रदेशातील असून सध्या गुजरातच्या गांधीनगरातून ऑपरेट होत आहे. दोन्ही मोबाइल चोरी झाल्याचे समजते
- मोबाइल चोरीनंतर या क्रमांकांचे व्हॉट्सअॅप अगोदरच्या मोबाइलमध्ये सुरूच राहिले. जोवर अॅपमधून अकाउंट लॉग आउट होत नाही. तोपर्यंत वायफायद्वारे व्हॉट्सअॅप चालविणे शक्य असते. त्यासाठी सिम मोबाइलमध्ये नसेल, तरीही चालते.

अमित ठाकरेंना राज ठाकरेंचा व्हिडिओ कॉल, राज ठाकरेंना पाहून मनसैनिकांमध्ये उत्साह