म. टा. प्रतिनिधी, नाशिक: इगतपुरी येथील रेव्ह पार्टीचे धागेदोरे वाढत असून, पोलिसांनी स्काय ताज व स्काय लगून व्हिला या दोन बंगल्यांचा मालक संशयित रणवीर सोनी याला ताब्यात घेतले. त्याला इगतपुरी न्यायालयात बुधवारी हजर केले असता, सात दिवसांची कोठडी सुनावली आहे. या बंगला मालकाची कसून चौकशी सुरू केली असून, त्याच्या इतर मालमत्तेची माहिती घेतली जात आहे. यासह इगतपुरीसह ग्रामीण भागातील फार्म हाउस व बंगल्यांच्या मालकांकडेही आता नजर ठेवणार असल्याचे ग्रामीण पोलिसांनी सांगितले.
इगतपुरी रेव्ह पार्टी प्रकरणी पोलिसांनी १७ पुरुषांसह १२ तरुणींना अटक केली आहे. यात बॉलीवूड, दाक्षिणात्य सिनेमांसह टीव्ही मालिकांशी संबंधित कलाकारांचा समावेश आहे. पार्टीत सहभागी झालेले, ड्रग्ज पुरविणारे, बंगल्याचे केअरटेकर आदी २९ जणांचा यात समावेश आहे. तरुण-तरुणींसह बंगल्याचे दोन केअर टेकर आणि अन्य संशयित अशा २५ जणांना पोलिस कोठडी मिळाली होती. हे सर्व जण गांजा, चरस, कोकेनसारख्या अमली पदार्थांसह लाखो रुपयांची महागडी दारू पिताना आढळले होते. पोलिसांनी या सर्वांना ताब्यात घेत त्यांच्याविरुद्ध एनडीपीएस, दारूबंदी, कोटपा यांसारख्या कायद्याच्या विविध कलमान्वये इगतपुरी पोलिस ठाण्यात गुन्हे दाखल केले. दरम्यान, व्यावसायिक असलेले बंगलामालक सोनी याला पोलिसांनी मुंबई येथील उच्चभ्रू वसाहतीमधून ताब्यात घेतले आहे. या रेव्ह पार्टी प्रकरणी संशयित गुन्हेगारांची संख्या तीसपर्यंत पोहोचली असल्याची माहिती ग्रामीण पोलिसांनी दिली. संशयितांना ताब्यात घेतल्यानंतर त्यांचे रक्त व लघवीचे नमुने प्रयोगशाळेत पाठविण्यात आले आहेत. त्यातून येणाऱ्या अहवालानंतर रेव्ह पार्टीतील अमली पदार्थांच्या वापराबाबत अधिक माहिती समोर येणार असल्याचे पोलिसांनी सांगितले.
इगतपुरी रेव्ह पार्टी प्रकरणी पोलिसांनी १७ पुरुषांसह १२ तरुणींना अटक केली आहे. यात बॉलीवूड, दाक्षिणात्य सिनेमांसह टीव्ही मालिकांशी संबंधित कलाकारांचा समावेश आहे. पार्टीत सहभागी झालेले, ड्रग्ज पुरविणारे, बंगल्याचे केअरटेकर आदी २९ जणांचा यात समावेश आहे. तरुण-तरुणींसह बंगल्याचे दोन केअर टेकर आणि अन्य संशयित अशा २५ जणांना पोलिस कोठडी मिळाली होती. हे सर्व जण गांजा, चरस, कोकेनसारख्या अमली पदार्थांसह लाखो रुपयांची महागडी दारू पिताना आढळले होते. पोलिसांनी या सर्वांना ताब्यात घेत त्यांच्याविरुद्ध एनडीपीएस, दारूबंदी, कोटपा यांसारख्या कायद्याच्या विविध कलमान्वये इगतपुरी पोलिस ठाण्यात गुन्हे दाखल केले. दरम्यान, व्यावसायिक असलेले बंगलामालक सोनी याला पोलिसांनी मुंबई येथील उच्चभ्रू वसाहतीमधून ताब्यात घेतले आहे. या रेव्ह पार्टी प्रकरणी संशयित गुन्हेगारांची संख्या तीसपर्यंत पोहोचली असल्याची माहिती ग्रामीण पोलिसांनी दिली. संशयितांना ताब्यात घेतल्यानंतर त्यांचे रक्त व लघवीचे नमुने प्रयोगशाळेत पाठविण्यात आले आहेत. त्यातून येणाऱ्या अहवालानंतर रेव्ह पार्टीतील अमली पदार्थांच्या वापराबाबत अधिक माहिती समोर येणार असल्याचे पोलिसांनी सांगितले.