नाशिकरोडला बहरतेय क्रीडा संस्कृती

नाशिकरोड परिसरात महापालिकेतर्फे उपनगरला पाच ठिकाणी ग्रीन जिम उभारण्यात आले आहेत. तसेच पाच ठिकाणी नवीन ग्रीन जिम उभारण्यात येत असल्याने या भागातील नागरिकांचे आरोग्य सुदृढ होण्यास मदत होणार आहे. व्यायाम संस्कृतीचा प्रसारही होत आहे. सर्वात महत्त्वाचे म्हणजे आरोग्याकडे दुर्लक्ष होत असलेल्या युवा‌पिढीला एक नवी दिशा मिळणार आहे.

नाशिकमध्ये सर्वाधिक ग्रीन जिम जेलरोडला उभारल्या जाणार आहेत. उपनगर परिसरात नुकतेच पाच ग्रीन जिमचे उदघाटन आमदार देवयानी फरांदे, नगरसेवक कुणाल वाघ आदींच्या उपस्थितीत झाले. जेलरोडच्या प्रभाग ३२ मध्ये आठ ग्रीन जीन उभारल्या जाणार आहेत. यापैकी सहा जिमना मंजुरी मिळाली आहे. त्याचे काम लवकरच सुरू होणार आहे. दोन महिन्यांत मंजुरी मिळेल, अशी माहिती नगरसेवक शैलेश ढगे यांनी दिली. गोसावीनगर, पुष्पकनगर, सह्याद्री कॉलनी, एमएसईबी कॉलनी, रामेश्वरनगर, ओमनगर दोन (सातभाईनगरच्या मागे), नीलमणी पार्क, स्वामी समर्थनगर येथे या आठ जिम होणार आहेत. प्रभाग ३२ मध्ये गोसावी नगर आणि पुष्पकनगरमध्ये महिलांसाठी देखील स्वतंत्र जिम उभारण्यात आल्या आहेत. त्याचे साहित्य लवकरच मागविले जाणार आहे. ग्रीन जिम ही सर्वांसाठी खुली असते. ती खुल्या मैदानात असते. बाजूने संरक्षक भिंत असते. कोणत्याही वयाची व्यक्ती तिचा लाभ घेऊ शकते.

पहिले इनडोअर स्टेडियम गोसावीनगरमध्ये जॉगिंग ट्रॅकमध्ये उभारला आहे. अडीच एकरमध्ये पावणे आठ कोटीचे महाराष्ट्रातील पहिले इनडोअर स्टेडियम आढाव नगरमध्ये उभारले जाणार आहे. त्याचे काम लवकरच सुरू होईल. त्यात सहा कोटी निधी केंद्र सरकार व उर्वरित महापालिका निधी देणार आहे. त्यात लेडिज व जेन्टस जिम्नॅशियम, लेडिज व जेन्टस चेंजिंग रुम, सीसीटीव्ही कॅमेरे, स्वतंत्र कार्यालय, चेस, कॅरम, टेबल टेनिस तसेच मैदानी खेळांचीही सुविधा असले. राज्य सरकारच्या पुढाकाराने नगर उत्थान योजनेतंर्गत ही कामे होणार आहेत. यात पन्नास टक्के राज्य सरकार व ५० टक्के महापालिका खर्च करणार आहे. शिवरामनगरमध्ये एक एकरमध्ये बास्केटबाल, स्केटिंग व किक बॉक्सिंगचे खुले क्रीडा संकुल उभारले जाणार आहे.

‌ग्रीन जिमला पसंती डीजीपीनगर एकमध्ये जॉगिंग ट्रॅकजवळ खासदार निधीतून ग्रीन जिम व्यायाम साहित्यासाठी सुमारे पाच लाखाचे प्राकलन मागविण्यात आले आहे. प्रभाग ३६ मधील बेला डिसुझा रोडलगतच्या गार्डनमध्ये खासदार निधीतून उभारल्या जात असलेल्या ग्रीन जिममधील साहित्यासाठी सुमार पाच लाखाच्या रकमेचे व्यायाम साहित्य मागविण्यात येत आहे.