म. टा. प्रतिनिधी, नाशिक अखिल भारतीय वनवासी कल्याण आश्रम अंतर्गत पश्चिम महाराष्ट्र वनवासी कल्याण आश्रम खेलकूद कबड्डीत नाशिक ग्रामीणने दुहेरी मुकूट पटकावले. मुलांच्या अंतिम फेरीच्या सामन्यात नाशिक ग्रामीणच्या चिंचला शासकीय आश्रमशाळेने मालेगावचा ३१ विरुद्ध १५ असा १६ गुणांनी पराभव करून विजेतेपद पटकावले. नाशिकच्या मानी शासकीय आश्रम शाळेने मालेगावचा २४ विरुद्ध १२ असा पराभव केला. मुलांमध्ये उत्कृष्ट खेळाडूचा बहुमान योगेश कानोजे याने मिळवला, चढाईपटूचा मान मनोज चौधरी, उत्कृष्ट पकडीचा मान पांडुरंग पवार याने पटकावला. महिलांमध्ये उत्कृष्ट खेळाडूचा मान अनिता वसावे, उत्कृष्ट चढाई निकिता वाघ, उत्कृष्ट पकड नीलिमा पाडवी हिने मिळविला. पारितोषिक वितरण समारंभ मिलिंद जांबोटकर, महेश काळे, संजीव दापोरकर, श्रीपाद पेंडसे, प्रशांत पाटील यांच्या प्रमुख उपस्थित झाला.
खेलकूद कबड्डीत नाशिक ग्रामीणला दुहेरी मुकूट
म टा...
महाराष्ट्र टाइम्स.कॉम 30 Sep 2019, 4:00 am