म. टा. खास प्रतिनिधी, नाशिक
सासऱ्याने सुनेवर वारंवार बलात्कार केल्याचा धक्कादायक प्रकार समोर आला असून, या प्रकरणी गंगापूर पोलिस ठाण्यात बलात्कारासह कौटुंबिक हिंसाचार कायद्यानुसार गुन्हा दाखल करण्यात आला आहे. तिघांपैकी मुख्य संशयितास पोलिसांनी अटक केली.
अशोक हरिश्चंद्र जाधव (५१, रा. आनंदवली, गंगापूररोड), आकाश हरिश्चंद्र जाधव (पती) आणि पीडित महिलेची सासू प्रमिला जाधव अशी या घटनेतील संशयित आरोपींची नावे आहेत. या प्रकरणी पोलिसांनी बलात्कारासह कौटुंबिक हिंसाचार कायदा, मारहाण तसेच धमकाविण्याचा गुन्हा दाखल केला असून, अशोक जाधव यास अटक करण्यात आली आहे. पीडित महिला फिर्यादीच्या तक्रारीनुसार, १ फेब्रुवारी २०१९ ते १८ मार्च २०१९ या कालावधीत हा प्रकार घडला. सासरा अशोक जाधव याने राहत्या घरात तसेच चांडक सर्कलजवळील निर्जन ठिकाणी एमएच १५ डीएल १०८८ या इनोव्हा कारमध्ये सुनेवर बलात्कार केला. या घटनेची वाच्यता केल्यास मुलाबरोबर नांदू देणार नाही, अशी धमकी त्याने सुनेला दिली. यानंतर पीडित महिलेने हिंमत करून आपल्यावर अन्याय झाल्याची तक्रार पतीसह तिच्या सासूकडे केली. मात्र, या दोघांनी बलात्काराच्या प्रकरणावर पडदा टाकण्याचा प्रयत्न करीत तिला मानसिक व शारीरिक त्रास देण्यास सुरुवात केली. पीडित महिलेच्या तक्रारीनुसार सासूने तिच्या हाताची नस कापून दुखापत केली. त्रास वाढल्याने अखेर महिलेने गंगापूर पोलिस ठाणे गाठून फिर्याद दिली. पोलिसांनी लागलीच गुन्हा दाखल करीत संशयित अशोक जाधव यास अटक केली. घटनेचा पुढील तपास वरिष्ठ पोलिस निरीक्षक अचंल मुदगल यांच्या मार्गदर्शनाखाली सहायक पोलिस निरीक्षक एन. व्ही. पवार करीत आहेत.
सासऱ्याने सुनेवर वारंवार बलात्कार केल्याचा धक्कादायक प्रकार समोर आला असून, या प्रकरणी गंगापूर पोलिस ठाण्यात बलात्कारासह कौटुंबिक हिंसाचार कायद्यानुसार गुन्हा दाखल करण्यात आला आहे. तिघांपैकी मुख्य संशयितास पोलिसांनी अटक केली.
अशोक हरिश्चंद्र जाधव (५१, रा. आनंदवली, गंगापूररोड), आकाश हरिश्चंद्र जाधव (पती) आणि पीडित महिलेची सासू प्रमिला जाधव अशी या घटनेतील संशयित आरोपींची नावे आहेत. या प्रकरणी पोलिसांनी बलात्कारासह कौटुंबिक हिंसाचार कायदा, मारहाण तसेच धमकाविण्याचा गुन्हा दाखल केला असून, अशोक जाधव यास अटक करण्यात आली आहे. पीडित महिला फिर्यादीच्या तक्रारीनुसार, १ फेब्रुवारी २०१९ ते १८ मार्च २०१९ या कालावधीत हा प्रकार घडला. सासरा अशोक जाधव याने राहत्या घरात तसेच चांडक सर्कलजवळील निर्जन ठिकाणी एमएच १५ डीएल १०८८ या इनोव्हा कारमध्ये सुनेवर बलात्कार केला. या घटनेची वाच्यता केल्यास मुलाबरोबर नांदू देणार नाही, अशी धमकी त्याने सुनेला दिली. यानंतर पीडित महिलेने हिंमत करून आपल्यावर अन्याय झाल्याची तक्रार पतीसह तिच्या सासूकडे केली. मात्र, या दोघांनी बलात्काराच्या प्रकरणावर पडदा टाकण्याचा प्रयत्न करीत तिला मानसिक व शारीरिक त्रास देण्यास सुरुवात केली. पीडित महिलेच्या तक्रारीनुसार सासूने तिच्या हाताची नस कापून दुखापत केली. त्रास वाढल्याने अखेर महिलेने गंगापूर पोलिस ठाणे गाठून फिर्याद दिली. पोलिसांनी लागलीच गुन्हा दाखल करीत संशयित अशोक जाधव यास अटक केली. घटनेचा पुढील तपास वरिष्ठ पोलिस निरीक्षक अचंल मुदगल यांच्या मार्गदर्शनाखाली सहायक पोलिस निरीक्षक एन. व्ही. पवार करीत आहेत.