‘देव माझा विठू सावळा’मध्ये प्रेक्षक तल्लीन

म. टा. प्रतिनिधी, नाशिक

आषाढी एकादशीच्या निमित्ताने ‘महाराष्ट्र टाइम्स’च्या वतीने गीता माळी यांच्या स्वरातील ‘देव माझा विठू सावळा’ या अभंग गीतांच्या कार्यक्रमाचे आयोजन करण्यात आले होते. परशुराम साईखेडकर नाट्यगृहात हा कार्यक्रम झाला.

जय जय रामकृष्ण हरी या बीजमंत्राने मैफलीची सुरुवात झाली. त्यानंतर तुज सगुण म्हणू की निर्गुण रे, पैल तो गे काऊ कोकताहे, अरे अरे श्रीहरी, तू माझा कैवारी, विठू माऊली तू माऊली जगाची, कानडा राजा पंढरीचा, सुंदर ते ध्यान, देव माझा विठू सावळा, खेळ मांडियेला, चल गं सखे पंढरीला, माऊली माऊली, चंद्रभागेच्या तिरी, जाता पंढरीसी सुखा वाटे जीवा हे अभंग सादर झाले.

जयश्री वाघ यांनी निवेदन केले. सहगायक म्हणून संजय किल्लेदार, शशांक देशपांडे यांची साथ लाभली. प्रमोद पवार, अनिल धुमाळ, अभिजित शर्मा, फारुख पीरजादे, चिन्मय देवरे, निषाद भोसले यांनी साथसंगत केली. ‘महाराष्ट्र टाइम्स’च्या कल्चर क्लबतर्फे या मैफलीचे आयोजन करण्यात आले होते.