म. टा. प्रतिनिधी, नाशिक
मानसिक व शारीरिक छळ करून विवाहितेस आत्महत्येस प्रवृत्त केल्याच्या दोन घटना समोर आल्या असून, या प्रकरणी संबंधित सासरच्या मंडळीविरोधात हुंडाबळीचे गुन्हे दाखल करण्यात आले आहेत.
या प्रकरणी पंचवटीतील हिरावाडी परिसरातील पतीसह सासरच्या सहा जणांविरोधात गुन्हा दाखल करण्यात आला आहे. प्रिया कुणाल गायकवाड (रा. त्र्यंबकनगर, पंचवटी) असे आत्महत्या केलेल्या विवाहितेचे नाव आहे. या प्रकरणी तिचा पती कृणाला गायकवाड, सासरे विलास गायकवाड, दीर योगेश गायकवाड, सासू, दोघी नंदा अशा सहा जणांवर गुन्हा दाखल करण्यात आला. यातील पाच जणांना अटक करण्यात आली आहे. याबाबत प्रियाच्या वडिलांनी तक्रार दिली आहे. लग्नाच्या सहा महिन्यांनंतर गायकवाड कुटुंबाने व्यवसायासाठी माहेरून पैसे आणावेत, यासाठी प्रियाचा मानसिक व शारीरिक त्रास छळ केला. या छळाला कंटाळून तिने २१ आक्टोंबर रोजी गळफास घेत आत्महत्या केली. विवाहितेच्या आत्महत्येची दुसरी घटना अशोकनगर भागातील राधाकृष्णनगर येथे घडली. सासरच्या छळाला कंटाळून रुपाली शाम बोरसे या विवाहितेने आत्महत्या केली. विवाहानंतर सासरच्या मंडळीने नोकरीच्या कारणावरून रुपालीचा छळ केला. या प्रकरणी मनिषा सचिन शिंदे यांनी दिलेल्या तक्रारीनुसार सातपूर पोलिसांनी रुपालीचा पती शाम बोरसे आणि तिच्या सासूविरोधात आत्महत्येस प्रवृत्त केल्याप्रकरणी गुन्हा दाखल केला. पोलिसांनी शामला अटक केली.
मानसिक व शारीरिक छळ करून विवाहितेस आत्महत्येस प्रवृत्त केल्याच्या दोन घटना समोर आल्या असून, या प्रकरणी संबंधित सासरच्या मंडळीविरोधात हुंडाबळीचे गुन्हे दाखल करण्यात आले आहेत.
या प्रकरणी पंचवटीतील हिरावाडी परिसरातील पतीसह सासरच्या सहा जणांविरोधात गुन्हा दाखल करण्यात आला आहे. प्रिया कुणाल गायकवाड (रा. त्र्यंबकनगर, पंचवटी) असे आत्महत्या केलेल्या विवाहितेचे नाव आहे. या प्रकरणी तिचा पती कृणाला गायकवाड, सासरे विलास गायकवाड, दीर योगेश गायकवाड, सासू, दोघी नंदा अशा सहा जणांवर गुन्हा दाखल करण्यात आला. यातील पाच जणांना अटक करण्यात आली आहे. याबाबत प्रियाच्या वडिलांनी तक्रार दिली आहे. लग्नाच्या सहा महिन्यांनंतर गायकवाड कुटुंबाने व्यवसायासाठी माहेरून पैसे आणावेत, यासाठी प्रियाचा मानसिक व शारीरिक त्रास छळ केला. या छळाला कंटाळून तिने २१ आक्टोंबर रोजी गळफास घेत आत्महत्या केली. विवाहितेच्या आत्महत्येची दुसरी घटना अशोकनगर भागातील राधाकृष्णनगर येथे घडली. सासरच्या छळाला कंटाळून रुपाली शाम बोरसे या विवाहितेने आत्महत्या केली. विवाहानंतर सासरच्या मंडळीने नोकरीच्या कारणावरून रुपालीचा छळ केला. या प्रकरणी मनिषा सचिन शिंदे यांनी दिलेल्या तक्रारीनुसार सातपूर पोलिसांनी रुपालीचा पती शाम बोरसे आणि तिच्या सासूविरोधात आत्महत्येस प्रवृत्त केल्याप्रकरणी गुन्हा दाखल केला. पोलिसांनी शामला अटक केली.