उन्हाच्या झळा; तापमान ३५ अंशांवर

नाशिक : नाशिककरांना उन्हाच्या चटक्याने त्रस्त केले असून, बुधवारी कमाल तापमान ३५ अंश सेल्सिअस नोंदविले गेले. या आठवड्यात हे तापमान ३८ अंश सेल्सिअसपर्यंत पोहोचू शकते, असा अंदाज भारतीय हवामान विभागाने नोंदविला आहे. त्यामुळे नाशिककरांना उन्हाच्या झळांपासून बचावासाठी दक्षता घ्यावी लागणार आहे. गत आठवड्याच्या तुलनेत यंदा कमाल तापमानात काहीशी घट झाली आहे. गत आठवड्यात आणि त्यापूर्वी ४२ अंश सेल्सिअसपर्यंत गेलेले हे तापमान ३५ अंशांवर स्थिरावले आहे. किमान तापमानही २२ अंश सेल्सिअस नोंदविण्यात आले. मात्र, या तापमानात येत्या आठवडाभरात वाढ होऊन ते ३८ अंशांपर्यंत पोहोचू शकते, असा अंदाज हवामान विभागाने वर्तविला आहे.