म. टा. खास प्रतिनिधी, नाशिक
वीकेंड लॉकडाउन असल्याने शनिवारी शहरात नेहमीसारखी गर्दी दिसत नाही. व्यावसायिक थेट दुकाने सुरू करीत नाही. मात्र, रस्त्यावर बेशिस्त पार्किंग आणि त्यातून उद्भवणारी वाहतूक कोंडी होते. यामुळे शनिवारी टोईंग व्हॅनची कारवाई जोरात असते. शनिवारी (दि.३१) वीकेंड लॉकडाउन असूनही शहर वाहतूक शाखेने ८८ वाहने टोईंग करून तब्बल ३७ हजार ७०० रुपयांचा दंड वसूल केला.
शहरात बेशिस्तरित्या वाहने पार्क होत असल्याने वाहतूक कोंडी होते. रस्त्यावर बेजबाबदारपणे उभे करणाऱ्या वाहनचालकांना टोईंग व्हॅनचा पर्याय उपलब्ध असल्याशिवाय ही सवय सुधारणार नाही, हे ओळखून पोलिस प्रशासनाने टोईंग व्हॅन्स सुरू केल्यात. सात जुलैपासून ही सेवा कार्यरत झाली. शहरातील पाच ठिकाणच्या १८ परिसरात नो पार्किंग झोन ठरवून तेथे उभी असलेल्या वाहनांवर टोइंग कारवाई केली जाते. दररोज सरासरी १५० वाहनांवर कारवाई होते. शनिवार व रविवारी शहरात लॉकडाउन असल्याने सर्व बाजारपेठा, कार्यालये, आस्थापना बंद असतात. त्यामुळे गर्दीही तुरळक होती. नागरिकांना विनाकारण घराबाहेर न पडण्याच्या सूचना आहेत. त्यामुळे वाहनांचा वापरही कमी असणे अपेक्षित आहे. तरीदेखील लॉकडाउन असतानाही वाहनांवर शहरात फिरणाऱ्यांपैकी काहींनी रस्त्याच्या कडेला किंवा 'नो पार्किंग'च्या ठिकाणी वाहने उभी केल्याचे आढळून आले. त्यामुळे अशा वाहनांवर टोईंग कारवाई करण्यात आली. सायंकाळपर्यंत जवळपास पन्नासपेक्षा अधिक दुचाकी तर, ४०च्या घरात चारचाकी वाहनांवर टोईंग कारवाई करण्यात आल्याची माहिती सूत्रांनी दिली. लॉकडाउन असून, वाहनाची गर्दी नसतानाही नियमांकडे दुर्लक्ष करून बेशिस्तरित्या वाहने पार्क करणाऱ्यांवर या कारवाईमुळे आर्थिक तसेच वेळेचा फटका बसला.
रस्त्यावर बेशिस्त पद्धतीने वाहने पार्क करणाऱ्या वाहनचालकांवर कारवाई करण्यासाठी टोईंग सेवा सुरू झाली आहे. वीकेंड लॉकडाउन असो की नियमित काम, त्यात फरक करण्याचा प्रश्नच येत नाही. वाहनचालकांनी नियमांचे पालन करायलाा हवे.
- सीताराम गायकवाड, सहायक पोलिस आयुक्त
वीकेंड लॉकडाउन असल्याने शनिवारी शहरात नेहमीसारखी गर्दी दिसत नाही. व्यावसायिक थेट दुकाने सुरू करीत नाही. मात्र, रस्त्यावर बेशिस्त पार्किंग आणि त्यातून उद्भवणारी वाहतूक कोंडी होते. यामुळे शनिवारी टोईंग व्हॅनची कारवाई जोरात असते. शनिवारी (दि.३१) वीकेंड लॉकडाउन असूनही शहर वाहतूक शाखेने ८८ वाहने टोईंग करून तब्बल ३७ हजार ७०० रुपयांचा दंड वसूल केला.
शहरात बेशिस्तरित्या वाहने पार्क होत असल्याने वाहतूक कोंडी होते. रस्त्यावर बेजबाबदारपणे उभे करणाऱ्या वाहनचालकांना टोईंग व्हॅनचा पर्याय उपलब्ध असल्याशिवाय ही सवय सुधारणार नाही, हे ओळखून पोलिस प्रशासनाने टोईंग व्हॅन्स सुरू केल्यात. सात जुलैपासून ही सेवा कार्यरत झाली. शहरातील पाच ठिकाणच्या १८ परिसरात नो पार्किंग झोन ठरवून तेथे उभी असलेल्या वाहनांवर टोइंग कारवाई केली जाते. दररोज सरासरी १५० वाहनांवर कारवाई होते. शनिवार व रविवारी शहरात लॉकडाउन असल्याने सर्व बाजारपेठा, कार्यालये, आस्थापना बंद असतात. त्यामुळे गर्दीही तुरळक होती. नागरिकांना विनाकारण घराबाहेर न पडण्याच्या सूचना आहेत. त्यामुळे वाहनांचा वापरही कमी असणे अपेक्षित आहे. तरीदेखील लॉकडाउन असतानाही वाहनांवर शहरात फिरणाऱ्यांपैकी काहींनी रस्त्याच्या कडेला किंवा 'नो पार्किंग'च्या ठिकाणी वाहने उभी केल्याचे आढळून आले. त्यामुळे अशा वाहनांवर टोईंग कारवाई करण्यात आली. सायंकाळपर्यंत जवळपास पन्नासपेक्षा अधिक दुचाकी तर, ४०च्या घरात चारचाकी वाहनांवर टोईंग कारवाई करण्यात आल्याची माहिती सूत्रांनी दिली. लॉकडाउन असून, वाहनाची गर्दी नसतानाही नियमांकडे दुर्लक्ष करून बेशिस्तरित्या वाहने पार्क करणाऱ्यांवर या कारवाईमुळे आर्थिक तसेच वेळेचा फटका बसला.
रस्त्यावर बेशिस्त पद्धतीने वाहने पार्क करणाऱ्या वाहनचालकांवर कारवाई करण्यासाठी टोईंग सेवा सुरू झाली आहे. वीकेंड लॉकडाउन असो की नियमित काम, त्यात फरक करण्याचा प्रश्नच येत नाही. वाहनचालकांनी नियमांचे पालन करायलाा हवे.
- सीताराम गायकवाड, सहायक पोलिस आयुक्त