म. टा. प्रतिनिधी, नाशिक: तामिळनाडू येथील तिरुवन्नामलाई येथे अॅथलेटीक फेडरेशन ऑफ इंडियाच्यावतीने आयोजित १७ व्या फेडरेशन चषक राष्ट्रीय कनिष्ठ अॅथलेटिक अजिंक्यपद स्पर्धेत नाशिकच्या पुनम सोनुने हिने तीन हजार मीटर धावण्याच्या स्पर्धेत सुवर्णपदक पटकावले.
१७ व्या फेडरेशन चषक राष्ट्रीय कनिष्ठ अॅथलेटिक अजिंक्यपद स्पर्धा २४ ते २६ सप्टेंबर या कालावधीत आयोजित करण्यात आल्या आहेत. मंगळवारी झालेल्या स्पर्धेत नाशिकच्या पुनमने सुवर्ण पदक पटकावले. पुनमने ३ हजार मीटरचे अंतर ९ मिनीट ५२ सेकंदात पूर्ण केले. या स्पर्धेत हरियाणाच्या किरण हिने ९ मिनीटे ५५ सेकंदाची वेळ नोंदवत रजत पदक पटकावले.
तिसऱ्या क्रमांकावर आलेल्या गुजरातच्या दृष्टीबेन प्रविणभाई हिने हे अंतर १० मिनीटे २ सेकंदात पूर्ण करुन कांस्यपदकाची मानकरी ठरली. नाशिकची पुनम ही एकलव्य अॅथलेटीक्स अॅड स्पोर्ट्स इन्स्टीट्यूट येथे विजेंद्र सिंग यांच्या मार्गदर्शनाखाली सराव करते आहे.
१७ व्या फेडरेशन चषक राष्ट्रीय कनिष्ठ अॅथलेटिक अजिंक्यपद स्पर्धा २४ ते २६ सप्टेंबर या कालावधीत आयोजित करण्यात आल्या आहेत. मंगळवारी झालेल्या स्पर्धेत नाशिकच्या पुनमने सुवर्ण पदक पटकावले. पुनमने ३ हजार मीटरचे अंतर ९ मिनीट ५२ सेकंदात पूर्ण केले. या स्पर्धेत हरियाणाच्या किरण हिने ९ मिनीटे ५५ सेकंदाची वेळ नोंदवत रजत पदक पटकावले.
तिसऱ्या क्रमांकावर आलेल्या गुजरातच्या दृष्टीबेन प्रविणभाई हिने हे अंतर १० मिनीटे २ सेकंदात पूर्ण करुन कांस्यपदकाची मानकरी ठरली. नाशिकची पुनम ही एकलव्य अॅथलेटीक्स अॅड स्पोर्ट्स इन्स्टीट्यूट येथे विजेंद्र सिंग यांच्या मार्गदर्शनाखाली सराव करते आहे.