म. टा. वृत्तसेवा,
नाशिकरोड पोलिस ठाण्याच्या प्रवेशद्वारात दुचाकी उभी करण्यास मनाई केल्याच्या रागातून भारतीय नौदलातील जवानाने पोलिस कर्मचाऱ्यास मारहाण केली. नाशिकरोड पोलिस ठाण्यात रविवारी रात्री साडे अकरा वाजेच्या दरम्यान हा प्रकार घडला. ज्ञानेश्वर जगन्नाथ सानप (वय २६, रा थडी सारोळे, ता. निफाड) असे जवानाचे नाव आहे. हाणामारीत अविनाश जुंद्रे हे पोलिस कर्मचारी जखमी झाले. जुंद्रे यांनी सानप याच्या विरोधात नाशिकरोड पोलिस ठाण्यात फिर्याद दिली. सानप यास अटक करून नाशिकरोड न्यायालयात हजर केले असता त्याची रवानगी मध्यवर्ती कारागृहात केली आहे. रविवारी रात्री सानप याने पोलिस ठाण्याच्या प्रवेशद्वाराजवळ रस्त्यात दुचाकी (एम एच १५ ई ८०००) उभी केली. तेव्हा पोलिस समाधान वारूंगसे यांच्यात वाद झाला. जुंद्रे वाद मिटविण्यासाठी गेले असता सानपने शिवीगाळ करीत मारहाण केली.
नाशिकरोड पोलिस ठाण्याच्या प्रवेशद्वारात दुचाकी उभी करण्यास मनाई केल्याच्या रागातून भारतीय नौदलातील जवानाने पोलिस कर्मचाऱ्यास मारहाण केली. नाशिकरोड पोलिस ठाण्यात रविवारी रात्री साडे अकरा वाजेच्या दरम्यान हा प्रकार घडला. ज्ञानेश्वर जगन्नाथ सानप (वय २६, रा थडी सारोळे, ता. निफाड) असे जवानाचे नाव आहे. हाणामारीत अविनाश जुंद्रे हे पोलिस कर्मचारी जखमी झाले. जुंद्रे यांनी सानप याच्या विरोधात नाशिकरोड पोलिस ठाण्यात फिर्याद दिली. सानप यास अटक करून नाशिकरोड न्यायालयात हजर केले असता त्याची रवानगी मध्यवर्ती कारागृहात केली आहे. रविवारी रात्री सानप याने पोलिस ठाण्याच्या प्रवेशद्वाराजवळ रस्त्यात दुचाकी (एम एच १५ ई ८०००) उभी केली. तेव्हा पोलिस समाधान वारूंगसे यांच्यात वाद झाला. जुंद्रे वाद मिटविण्यासाठी गेले असता सानपने शिवीगाळ करीत मारहाण केली.